is Íslenska en English

Lokaverkefni (Bakkalár)

Háskólinn á Akureyri > Heilbrigðisvísindasvið > B.S. verkefni >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5807

Titill: 
  • "Misgóð eða misslæm, eftir því hvernig á það er litið": daglegt líf og endurhæfing kvenna með vefjagigt
Námsstig: 
  • Bakkalár
Útdráttur: 
  • Tilgangur þessarar rannsóknar var að kanna upplifun kvenna af áhrifum vefjagigtar á daglegt líf og reynslu þeirra af endurhæfingu. Leitast var við að svara eftirfarandi rannsóknarspurningum: Hver er upplifun kvenna með vefjagigt af: a) eigin færni og þátttöku í daglegu lífi? og b) endurhæfingu og áhrifum hennar á færni og þátttöku? Eigindleg rannsóknaraðferð var notuð og gögnum aflað með viðtölum við sex konur með vefjagigt og sem höfðu sótt endurhæfingarþjónustu hjá að minnsta kosti þremur fagaðilum samtímis. Stuðst var við opinn, óstaðlaðann viðtalsramma og hin afrituðu gögn kóðuð og greind í þemu. Niðurstöðurnar mynduðu fjögur meginþemu: Daglegt líf, Endurhæfing, Endurhæfing sem hluti af daglegu lífi og Umhverfi. Varanlegar breytingar urðu á starfsgetu, hlutverkum, færni og þátttöku kvennanna. Þær glímdu allar við einhvers konar færniskerðingu af völdum vefjagigtarinnar og nefndu þær helst þætti er varða starfsgetu og úthald við heimilisstörf. Umhverfisþættir höfðu einnig áhrif á þátttöku þeirra og má þar helst nefna hindranir í efnislegu umhverfi, viðhorf í samfélaginu og stjórnsýslu. Allar konurnar þáðu lífeyri eða bætur frá ríkinu vegna skertrar starfsgetu. Fyrir þær var erfitt að takast á við færniskerðinguna og voru þær misjafnlega lengi að sætta sig við afleiðingar sjúkdómsins. Misjafnt var hvernig konurnar tókust á við vefjagigtina og hversu virkan þátt þær tóku í eigin endurhæfingu. Þær voru sammála um að heildræn meðferð gæfi bestan árangur, en takmarkað framboð er af slíkri þjónustu. Mikilvægt er að heildræn endurhæfingarþjónusta sé í boði fyrir þennan markhóp og öflugt samstarf og tengsl á milli fagfólks og ólíkra endurhæfingarstaða.

Samþykkt: 
  • 24.6.2010
URI: 
  • http://hdl.handle.net/1946/5807


Skrár
Skráarnafn Stærð AðgangurLýsingSkráartegund 
Daglegt_líf_og_endurhæfing_kvenna_með_vefjagigt.pdf2.01 MBOpinn"Misgóð eða misslæm, eftir því hvernig á það er litið": Daglegt líf og endurhæfing kvenna með vefjagigt-heildPDFSkoða/Opna