ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Heilbrigðisvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5810

Titill

Hvers vegna er fjölskylduhjúkrun mikilvæg? : heimildasamantekt um sorgarferli og hjúkrunarþarfir aðstandenda alvarlega veikra sjúklinga

Leiðbeinandi
Útdráttur

Á síðustu árum hefur verið lögð aukin áhersla á svið fjölskylduhjúkrunar í heilbrigðisþjónustunni. Fólk í dag gerir auknar kröfur um að tekið sé tillit til nánustu fjölskyldumeðlima þegar einn úr fjölskyldunni veikist. Rannsóknir hafa sýnt að hjúkrunarfræðingar telja það innan sinnar ábyrgðar að veita aðstandendum aðstoð og hjúkrun. Tilgangur þessarar fræðilegu samantektar var að finna út hverjar hjúkrunarþarfir aðstandenda séu, hvernig hjúkrunarfræðingar geta best mætt þeim og að varpa ljósi á mikilvægi fjölskylduhjúkrunar. Rannsóknirnar í samantektinni voru megindlegar og eigindlegar, samantektarrannsóknir og fræðigreinar. Forgangsröðun aðstandenda og hjúkrunarfræðinga á þörfum aðstandenda er oft á tíðum ólík. Upplifun ástvina sjúklinga í hlutverki aðstandenda er flókin og margþætt. Í henni felast ýmsir þættir til að mynda sorgarferli og reynsla þeirra í sambandi við gjörgæslu, endurhæfingu og endurlífgun. Upplifun hjúkrunarfræðinga er einnig flókin varðandi aðstandendur og sorgarferli hvort sem um er að ræða sorgarferli aðstandenda eða þeirra eigið sorgarferli. Niðurstöður samantektarinnar sýndu að nauðsynlegt er fyrir hjúkrunarfræðinga að þekkja þarfir og sorgarferli aðstandenda. Einnig kom fram að mikilvægt er fyrir hjúkrunarfræðinga að geta unnið úr eigin sorgarferli sem og að kynna sér og taka á álitamálum. Má þar nefna nærveru aðstandenda við endurlífgun sjúklings og þátttöku aðstandenda í umönnun. Það er ályktun okkar að fjölskylduhjúkrun er mikilvægt svið innan hjúkrunar sem leggja þyrfti meiri áherslu á í hjúkrunarfræðináminu og fjölskylduhjúkrun getur verið mun markvissari og stefnumótaðri í heilbrigðiskerfinu heldur en hún er í dag.
Lykilorð: hjúkrun, fjölskylduhjúkrun, fjölskylduþarfir, sorg, sorgarferli og nærvera við endurlífgun.

Birting
24.6.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
lokaverkefni.pdf190KBOpinn Hvers vegna er fjölskylduhjúkrun mikilvæg? Heimildasamantekt um sorgarferli og hjúkrunarþarfir aðstandenda alvarlega veikra sjúklinga- heild PDF Skoða/Opna