ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Heilbrigðisvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5814

Titill

Nálastungur í hjúkrun: nota íslenskir hjúkrunarfræðingar nálastungur sem hjúkrunarmeðferð?

Útdráttur

Tilgangur þessarar rannsóknar var tvenns konar. Í fyrsta lagi að kanna hvort íslenskir hjúkrunarfræðingar séu að nota nálastungur sem hjúkrunarmeðferð og í öðru lagi að kanna viðhorf þeirra til að sækja sér þekkingu í nálastungum og nota aðferðina í hjúkrun. Læknar, ljósmæður og sjúkraþjálfarar á Íslandi hafa nýtt sér nálastungur í meðferð skjólstæðinga sinna en lítið er vitað til þess að þær séu nýttar af hjúkrunarfræðingum sem hjúkrunarmeðferð.
Þetta er megindleg lýsandi þverskurðarrannsókn þar sem gagna var aflað með spurningalista. Í úrtaki rannsóknarinnar voru 153 hjúkrunarfræðingar um allt land en 119 hjúkrunarfræðingar svöruðu listanum. Hjúkrunarfræðingar á átta landsbyggðarsjúkrahúsum, sjö deildum á Sjúkrahúsinu á Akureyri (FSA) og fimmtán deildum á Landspítala Háskólasjúkrahúsi (LSH) voru valdir með hentugleikaúrtaki til að taka þátt. Við úrvinnslu gagna voru tölfræðiforritin Statistical Package for Social Sciences (SPSS) og Microsoft Exel notuð við gagnagreiningu og myndræna framsetningu. Rannsóknarspurningar voru:
Nota íslenskir hjúkrunarfræðingar nálastungur sem hjúkrunarmeðferð?
Eiga íslenskir hjúkrunarfræðingar að nýta sér nálastungur í hjúkrunarmeðferð?
Myndu hjúkrunarfræðingar á Íslandi sækja nám í nálstungum væri það í boði?
Niðurstöður voru þær að einungis einn þátttakendanna sagðist nýta sér nálastungur í starfi og 80,7% hjúkrunarfræðinga sem tóku þátt vissu ekki til þess að nálastungur væru nýttar sem hjúkrunarmeðferð. Nær helmingur eða 49,6% þátttakenda voru jákvæðir fyrir því að íslenskir hjúkrunarfræðingar nýti sér nálastungur sem hjúkrunarmeðferð. Einungis 5,9% (N=7) þeirra sem svöruðu töldu að íslenskir hjúkrunarfræðingar ættu ekki að nýta sér nálastungur í hjúkrun. Tæplega helmingur eða 47,9% þátttakenda lýsti yfir áhuga sínum á að nýta sér námskeið í nálastungum væri það í boði.
Rannsakendur telja að rannsóknin muni vekja umræður meðal hjúkrunarfræðinga um nálastungur sem mögulega viðbótarmeðferð og að mikilvægt sé að stuðla að frekari rannsóknum á nálastungum innan hjúkrunar.
Lykilhugtök: Nálastungur, hjúkrun, hjúkrunarmeðferð, viðbótarmeðferð innan hjúkrunar.

Birting
24.6.2010


Skrár
NafnRaðanlegtStærðRaðanlegtAðgangurRaðanlegtLýsingHækkandiSkráartegund
Nálastungur í Hjúkrun.pdf4,93MBOpinn Nálastungur í hjúkrun: Nota íslenskir hjúkrunarfræðingar nálastungur sem hjúkrunarmeðferð? - heild PDF Skoða/Opna