ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Heilbrigðisvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/5815

Titill

Reynsla sjúklinga af heilsufarstengdu sjálfsmati og endurhæfingu í verkjaskólanum í Kristnesi.

Útdráttur

Rannsóknin: Í verkjaskólanum í Kristnesi sem er starfræktur innan endurhæfingardeildar Sjúkrahússins á Akureyri hafa sjúklingar skráð og metið eigið heilsufar á sérstök eyðublöð. Blöðin og vinnulagið sem þeim tengist byggja m.a. á hugmyndafræði um einstaklingsmiðaða nálgun, gagnvirk samskipti, sameiginlegri ákvarðanatöku og á því að byggja hjúkrun á þeirri merkingu sem sjúklingar leggja í aðstæður sínar.
Tilgangur: Tilgangur rannsóknarinnar sem er fyrirbærafræðileg var annars vegar að kanna reynslu sjúklinga af því að fylla út sjálfsmatseyðublöðin og meta þannig heilsufarstengda þætti og hins vegar að kanna reynslu sjúklinga af þeirri meðferð sem verkjaskólinn hefur að bjóða.
Rannsóknarspurningar: Settar voru fram tvær rannsóknarspurningar:
1. Hver er reynsla sjúklinga í endurhæfingu af heilsufarstengdu sjálfsmati?
2. Hver er reynsla sjúklinga af endurhæfingu verkjaskólans í Kristnesi?
Aðferð: Við gerð rannsóknarinnar var notast við rannsóknaraðferð Vancouver-skólans í fyrirbærafræði. Tekin voru opin viðtöl við fjóra sjúklinga sem síðan voru greind í þemu og sett upp í greiningarlíkön.
Niðurstöður: Aðalþemað í geiningarlíkani I sem fjallar um reynslu sjúklinga af sjálfsmatinu var: Jákvæð upplifun af sjálfsmati en þörf á umræðu. Meginþemun voru: Áhrif á samskipti og óljós tilgangur með sjálfsmatinu. Í greiningarlíkani II sem lýsir reynslu sjúklinga af endurhæfingunni í verkjaskólanum var aðalþemað: Stuðningur og umhyggja. Meginþemun voru: Sameiginleg ákvarðanataka, einstaklingsmiðuð nálgun, ánægja með samskipti og aðgengi að starfsfólki, hvatning, hvíld og of miklar væntingar.
Ályktanir: Reynsla sjúklinga af sjálfsmatinu og endurhæfingunni í verkjaskólanum er jákvæð en það mætti gefa þeim betra tækifæri á umræðum um sjálfsmatið. Einnig þyrfti að útskýra markmið sjálfsmatsins betur fyrir sjúklingum svo þeir upplifi virka þátttöku og sameiginlega ákvarðanatöku í endurhæfingarferlinu. Sjálfsmatið hefur samt sem áður góð áhrif á samskipti milli sjúklinga og heilbrigðisstarfsfólks.
Lykilhugtök: Sjálfsmat, endurhæfing, langvinnir verkir, einstaklingsmiðuð nálgun, sameiginleg ákvarðanataka.

Birting
24.6.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Heilbrigðisvísinda... .doc115KBOpinn "Reynsla sjúklinga af heilsufarstengdu sjálfsmati og endurhæfingu í verkjaskólanum í Kristnesi."-forsíða,útdráttur og efnisyfirlit Microsoft Word Skoða/Opna
Heimildaskrá.lok.doc38,9KBOpinn "Reynsla sjúklinga af heilsufarstengdu sjálfsmati og endurhæfingu í verkjaskólanum í Kristnesi." - Heimildaskrá Microsoft Word Skoða/Opna
Lokaritgerd.pdf5,66MBOpinn "Reynsla sjúklinga af heilsufarstengdu sjálfsmati og endurhæfingu í verkjaskólanum í Kristnesi" -heild PDF Skoða/Opna