ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6030

Titill

Beiting Hæstaréttar Íslands á reglunni um forsendubrest í fasteignakauparétti

Leiðbeinandi
Útgáfa
Ágúst 2010
Útdráttur

Í ritgerðinni mun kastljósinu verða beint, að meginstefnu til, að umfjöllun um hina rótgrónu og ólögfestu reglu um forsendubrest og rannsakað með hvaða hætti Hæstiréttur Íslands beitir reglunni í fasteignakauparétti. Efnistök ritgerðarinnar munu nánar tiltekið verða með eftirfarandi hætti, að á eftir inngangsumfjöllun í 1. kafla mun, í 2. kafla, umræðan snúast um tvær höfuðreglur samningaréttarins. Annars vegar ræðir hér um meginregluna um samningsfrelsið en hins vegar um meginregluna um skuldbindingargildi samninga. Því næst, í 3. kafla, þykir rétt að gera almennt grein fyrir ógildingarástæðum samningaréttarins. Ennfremur verður vísað til dómareifana til skýringarauka þar sem það þykir eiga við. Næsti kafli ritgerðarinnar, 4. kafli, verður svo tileinkaður umfjöllun um brostnar forsendur. Verður þar gerð grein fyrir skilyrðum til beitingar reglunnar, skrifum fræðimanna og tekin dæmi til skilningsauka, úr dómaframkvæmd. Því næst verður sjónum beint að réttaráhrifum. Að lokum er í kaflanum velt upp þeirri spurningu, hvort hin ólögfesta regla um brostnar forsendur sé í raun orðin óþörf eftir gildistöku 36. gr. laga nr. 7/1936 um samningsgerð, umboð og ógilda löggerninga (hér eftir skammstöfuð sml.), en skiptar skoðanir voru á milli fræðimanna um það fyrir lögfestingu 36. gr. sml. Er í 5. kafla er komið verða tekin fyrir vanefndaúrræði fasteignakauparéttarins að því leyti sem rúm leyfir og gerð grein fyrir staðsetningu þeirra í löggjöfinni. Í kaflanum þar á eftir, 6. kafla., verður leitast við að gera grein fyrir þeim mun sem er á beitingu almennra vanefndaúrræða og hins vegar brostnum forsendum í málum sem snerta fasteignakaup. Í 7. kafla verður sjónum beint að dómaframkvæmd m.t.t. reglunnar um brostnar forsendur á sviði fasteignakauparéttar og gerð tilraun til að leiða í ljós með hvaða hætti Hæstiréttur Íslands beitir reglunni í dómum sínum. Loks eru helstu niðurstöður og ályktanir dregnar saman í 8. kafla ritgerðarinnar.

Birting
16.8.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
BAritgerdin16Agust... .pdf257KBLokaður Heildartexti PDF