is Íslenska en English

Lokaverkefni (Meistara)

Háskólinn á Bifröst > Félagsvísindadeild > Meistarverkefni í félagsvísindadeild (MA) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6068

Titill: 
  • Menningarhús eða félagsheimili : uppbygging, stefnumótun og framtið menningarhúsa og félagsheimila í Skagafirði
Námsstig: 
  • Meistara
Útdráttur: 
  • Eftir sameiningu sveitarfélaga í Skagafirði árið 1998 var stofnað sveitarfélagið Skagafjörður. Við sameininguna eignaðst nýja sveitarfélagið níu félagsheimili. Snemma árs 2009 var
    félagsheimilið Miðgarður í Varmahlíð opnað eftir miklar breytingar og tilkostnað sem menningarhús. Bifröst á Sauðárkróki hefur verið breytt í kvikmynda- og leikhús með föst sæti. Önnur félagsheimili í Skagafirði hafa enga forskrifaða stefnu og eru rekin á lágmarkskostnaði.
    Í þessari rannsóknarritgerð er leitast við að skoða forsendur þess að Miðgarði í Varmahlíð var breytt úr félagsheimili í menningarhús sem hefur það hlutverk að vera glæsilegt tónlistarhús sem getur tekið 300 manns í sæti. Þessi spurning er mikilvæg í ljósi þess að í Varmahlíð búa einungis um 130 manns. Þá er einnig fjallað um áætlanir um byggingu menningarhúss á Sauðárkróki og mögulega framtíð menningarhúsa og
    félagsheimila í Skagafirði.
    Helstu niðurstöður eru að byggingu menningarhúsa í Skagafirði má rekja til byggðastefnu menntamálaráðuneytisins og er því um þjónandi menningarstefnu að ræða. Menningarhúsið Miðgarður þjónar að mestu sama tilgangi og áður, breyting á nafni hússins
    þjónar helst þeim tilgangi að breyta ímynd hússins en hugtökin félagsheimili og menningarhús fela í sér nánast sömu merkingu. Litið var til kenninga Chartrand um tengsl opinbers valds og fjárfestinga til listalífs og komist að þeirri niðurstöðu að í tilfelli menningarhússins Miðgarðs fellur menntamálaráðuneytið í flokk velgjörðamannsins sem leggur til fé í verkefni en hefur svo ekki meiri afskipti af verkinu. Þetta er nokkuð merkilegt
    þar sem almennt myndi stefna menntamálaráðuneytisins í menningarmálum falla betur að arkítektamódelinu.
    Framtíð Miðgarðs og félagsheimila í Skagafirði veltur mest á stefnumótun og að unnin sé forskrifuð stefna fyrir öll þessi hús. Mikilvægt er að vinna náið með nærsveitungum hvers félagsheimilis að stefnu þeirra þar sem um viðkvæmt mál er að ræða. Framtíð
    menningarhúss á Sauðárkróki veltur að mestu á framtíð fjárhags ríkissjóðs og hvort og hvenær menntamálaráðuneytið getur staðið við þá samninga sem hann gerði við sveitarfélagið Skagafjörð um fjárstuðning við verkið en ljóst er að áhugi sveitarfélagsins á
    byggingunni hefur ekki minnkað.

Samþykkt: 
  • 26.8.2010
URI: 
  • http://hdl.handle.net/1946/6068


Skrár
Skráarnafn Stærð AðgangurLýsingSkráartegund 
Menningarhús eða félagsheimili.pdf1.57 MBOpinnMeginmálPDFSkoða/Opna
Viðauki - Úttekt á félagsheimilum í Skagafirði.pdf10.55 MBOpinnViðaukiPDFSkoða/Opna
Viðauki Menningarhús ágúst 2004.pdf212.92 kBOpinnViðaukiPDFSkoða/Opna