is Íslenska en English

Lokaverkefni (Bakkalár)

Háskólinn á Bifröst > Viðskiptadeild > Lokaverkefni í viðskiptadeild (BS) >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6111

Titill: 
  • Fjármagnstekjuskattur á Íslandi : skila skattahækkanir á fjármagnstekjur meiri tekjum í ríkissjóð? : Ber að greiða fjármagnstekjuskatt af kaup- og söluréttarsamningum?
Námsstig: 
  • Bakkalár
Útdráttur: 
  • Fjármagnstekjuskattur er eitt af nýyrðunum sem hafa orðið til á Íslandi á síðustu tveimur áratugum í þeim mikla vexti sem átti sér stað á þeim tíma, þá sér í lagi vexti atvinnu-, viðskipta- og fjármálalífs. Fyrir tilkomu fjármagnstekjuskatts í upphafi árs 1997 voru fjármagnstekjur skattlagðar sem almennar tekjur með ýmsum ívilnunum en vaxtatekjur voru skattfrjálsar.
    Fjármagnstekjuskattur er að vissu leyti samtvinnaður þeim uppgangi sem átti sér stað á íslenskum fjármálamarkaði frá miðjum tíunda áratug síðustu aldar allt fram til dagsins í dag. Fjármagnstekjuskattur er sá skattstofn sem hvað mest hefur vaxið á undanförnum áratug og hafa tekjur ríkissjóðs sem og hlutdeild hans í heildarskattstofni ríkissjóðs margfaldast á stuttum tíma.
    Í ritgerð þessari, sem verður á fræðilegum nótum, mun höfundar varpa nánara ljósi á þetta fyrirbæri sem fjármagnstekjuskattur er. Farið verður yfir aðdraganda tilkomu hans, saga hans rakin, samanburður gerður á honum og almennum launaskatti og álitamál er tengjast honum tekin fyrir. Höfundur leitast við að skrifa ritgerðina á mannamáli þannig að hún geti líka gagnast og aukið skilning þeirra sem enga sérfræðiþekkingu hafa á viðfangsefninu eða viðskiptalífinu almennt.
    Lítið er til af rituðum fræðibókum um skattamál á Íslandi og fækkar enn frekar í þeim hópi þegar að kemur að sértækum skatti eins og fjármagnstekjuskatti. Heimildavinna fór því að mestu leyti fram á veraldarvefnum þar sem mikið er til af efni er snýr að viðfangsefnum ritgerðarinnar, bæði frá opinberum aðilum sem og upplýsingar sem birtar hafa verið í almennum fjölmiðlum. Einnig er stuðst við tölvupóst og í einu tilfelli við munnlega heimild.

Samþykkt: 
  • 31.8.2010
URI: 
  • http://hdl.handle.net/1946/6111


Skrár
Skráarnafn Stærð AðgangurLýsingSkráartegund 
Fjármagnstekjuskattur á Íslandi - BS-ritgerð.pdf1.07 MBOpinnHeildartextiPDFSkoða/Opna