ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6308

Titill

Sameining sveitarfélaga

Útgáfa
Október 2010
Útdráttur

Markmiðið með þessari ritgerð er að greina helstu áhrifaþætti við sameiningu sveitarfélaga. Leitast er við að svara eftirfarandi spurningu; „Er sameining Bolungarvíkurkaupstaðar, Ísafjarðarbæjar og Súðavíkurhrepps vænlegur kostur fyrir rekstur sveitarfélaganna?“. Fjallað er um fræðileg hugtök, markmið og samfélag sveitarfélaga, ávinning vegna samlegðaráhrifa, heimildir til sameininga og sögulega þróun, tekjustofna, rekstur, efnahag og að lokum er mat lagt á samruna sveitarfélaganna á norðanverðum Vestfjörðum út frá fyrirliggjandi gögnum. Markmið sveitarfélaga er að skapa sterkt samfélag, auka velferð og þjónustu íbúa samfara því að skila góðum árangri í rekstri. Með sameiningu sveitarfélaga er litið til ávinnings sem getur komið fram í samlegðaráhrifum, stærðarhagkvæmni, rekstrarhagræði, hagkvæmari fjármögnun, aukinni markaðshlutdeild og stjórnun. Til þess að ná því verða sameinuð sveitarfélög að mynda heildstætt atvinnu- og þjónustusvæði þar sem samgöngur á milli sveitarfélaga eru viðunandi. Samkvæmt gögnum sem liggja fyrir er samlegðaráhrif sameiningar sveitarfélaganna metin á rúmar 24 m. kr. á ári. Samlegðaráhrifin eru mismikil á milli málaflokka og í sumum tilvikum hafa þau neikvæð áhrif á virði sameiningar. Með því að beita núvirðisaðferð fyrir 15 ára spátímabil og skoða einungis tekjur og gjöld var niðurstaðan sú að núvirtur ábati af sameingu sveitarfélaganna er metin á rúmar 247 m. kr. Niðurstöður úr verðmatinu eru sameiningu sveitarfélaganna á norðanverðum Vestfjörðum í hag miðað við þær forsendur sem liggja fyrir. Hvort sú niðurstaða sé nægileg til þess að hrinda af stað sameiningu sveitarfélganna er ekki víst. Við endanlegt verðmat er nauðsynlegt að horfa út fyrir rekstur og efnahag sveitarfélagsins og meta þjóðhagslegan ábata af sameiningunni. Það er hægt að gera með kostnaðar- og nytjagreiningu sem krefst frekari rannsókna.

Birting
20.9.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Sameining_sveitarf... .pdf299KBOpinn Heildartexti PDF Skoða/Opna