ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Hug- og félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6351

Titill

"Ég er alveg að lesa mikið, ég hef bara ekki tíma núna" : nemendur í 8.bekk spurðir út í lestrarvenjur sínar

Útgáfa
September 2010
Útdráttur

Í námi mínu við Háskólann á Akureyri hef ég einbeitt mér að lestrarfræðum. Í rannsókn sem ég gerði á námskeiðinu Eigindlegar aðferðir, haustið 2009, tók ég viðtöl við þrjá skólasafnskennara í grunnskólum Akureyrar og nágrenni þar sem spurt var út í reynslu þeirra af yndislestri nemenda. Eitt af því sem þar kom fram í niðurstöðum var að skólasafnskennararnir voru mjög uppteknir af sífellt minnkandi lestri unglinga. Þetta vakti strax áhuga minn.
Til að komast að því hvort tilfinning skólasafnskennaranna fyrir minnkandi lestri unglinga væri á rökum reist, var leitast við að skoða hvaða þættir það væru sem hefðu áhrif á yndislestur unglinga í 8. bekk. Unglingarnir voru spurðir út í lestrarvenjur sínar í óstöðluðum einstaklingsviðtölum þar sem notast var við opnar spurningar. Þátttakendur í rannsókninni voru tólf nemendur úr þremur grunnskólum Akureyrar og nágrenni. Sex stúlkur og sex drengir.
Helstu niðurstöður rannsóknarinnar leiddu í ljós að skólasafnskennararnir höfðu fulla ástæðu til að hafa áhyggjur af minnkandi lestri unglinga. Unglingarnir töldu sig oft vera þó nokkra lestrarhesta en lásu samt lítið eða ekkert fyrir utan skólabækur sínar. Þeir virtust hafa lestraráhuga en ekki nýta sér hann sem skyldi. Helstu áhrifavaldar voru heimilin, jólabókaflóðið, skólinn, vinirnir og viðhorf þeirra sjálfra til lestrar. Þá var komið inn á ýmsa aðra þætti eins og jákvæð áhrif tómstunda, óljóst tímaleysi og mismunandi bókaval.

Athugasemdir

Lokaverkefni

Birting
30.9.2010


Skrár
NafnRaðanlegtStærðHækkandiAðgangurRaðanlegtLýsingRaðanlegtSkráartegund
Meistaraprófsritgerð.pdf714KBOpinn Heildartexti PDF Skoða/Opna