Leikum og lærum : að brúa bilið milli leik- og grunnskóla

Abstract

Í ritgerðinni er byrjað á því að stikla á stóru í sögu leik- og grunnskólans hér á landi. Lög og aðalnámskrá skoðuð út frá mikilvægi góðs samstarfs milli skólastiganna. Fjallað er um hvaða breytingar verða á högum barna þegar þau flytja úr leikskóla yfir í grunnskóla, hvaða þætti er mikilvægt að hafa í huga á þessum tímamótum í lífi barnanna. Hvað er átt við með samfellu í námi og hvers vegna samfella í námi er talin mikilvæg? Fjallað verður um hvar börn á þessum aldri eru stödd í þroska, mikilvægi leiksins og stuttlega gerð grein fyrir „Tools of the Mind“ aðferðinni, en sú aðferð byggir á kenningum Vygotskys um vitsmunaþroska. Bent verður á mikilvægi góðrar samvinnu milli heimila og skóla. Í lokin er skoðað hvernig staðið er að móttöku sex ára barna og foreldrum þeirra í Öldutúnsskóla í Hafnarfirði og hvernig samvinnu við hverfisleikskólana er háttað. Að lokum er viðtal við Ragnhildi Birnu Hauksdóttur leikskólastjóra á leikskólanum Álfabergi í Hafnarfirði en það er leikskóli fyrir 5 ára börn.