ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Menntavísindasvið >B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6604

Titill

Ekkert um okkur án okkar : aðkoma fólks með þroskahömlun að gæðamati í þjónustu

Útgáfa
Apríl 2010
Útdráttur

Verkefni þessu er ætlað að varpa ljósi á aðkomu fólks með þroskahömlun að ákvörðunartöku og gæðamati í þjónustu. Ákvarðanataka og sjálfsákvörðunarréttur er skoðaður í sögulegu ljósi og settur í samhengi við baráttu fólks með þroskahömlun fyrir réttindum sínum bæði hérlendis og erlendis.
Kynnt er upphaf umræðuhóps fólks með þroskahömlun á Íslandi sem síðar varð að Átaki, félagi fólks með þroskahömlun, baráttumál þess skoðuð auk þess sem einkunarorð félagsins „Ekkert um okkur án okkar“ eru sett í samhengi við þær eigindlegu og meigindlegu kannanir sem gerðar voru í tengslum við verkefnið. Spurningakönnun var send 22. aðilum hjá félagsmálaráðuneyti, svæðisskrifstofum um málefni fatlaðra og sveitafélögum auk þess sem viðtöl voru tekin við fjóra einstaklinga með þroskahömlun. Þetta var gert með það að leiðarljósi að kanna hver aðkoma fólks með þroskahömlun hérlendis er að ákvörðunartöku og gæðamati.
Skoðuð eru dæmi um aðkomu fólks með þroskahömlun að ákvörðunartöku og gæðamati í nokkrum erlendum verkefnum og er það gert til að kynnast á hvaða hátt fólk með þroskahömlun getur komið að stefnumótun, vinnu að bættri þjónustu og mati á gæðum hennar.
Niðurstöður benda til að tilviljanakennt sé hvort fólk með þroskahömlun hefur aðkomu að ákvörðunum er varðar líf þess. Lítið er um markvisst gæðamat en nokkuð er um að kallað sé eftir óskum notenda. Skipulagi þjónustunnar eru oft settar það þröngar skorður að erfitt getur reynst að koma til móts við óskir og þarfir notenda þótt viljinn sé fyrir hendi.

Birting
15.10.2010


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Ekkert um okkur án... .pdf1,81MBOpinn Heildartexti PDF Skoða/Opna