Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6616
Ritgerð þessi er lokaverkefni til B.A. gráðu í þroskaþjálfafræðum við Háskóla Íslands. Viðfangsefni ritgerðarinnar er að sýna hvaða þjálfunarleiðir eru í boði fyrir einhverf börn á Íslandi sem og að varpa sýn á hverjir það eru sem velja þjálfunarleiðir fyrir börnin og hvað ræður því vali. Við vinnu að ritgerðinni öfluðum við okkur fræðilegra heimilda, tókum viðtöl við fagfólk og gerðum könnun þar sem við lögðum stuttan spurningalista fyrir leikskóla í öllum sveitarfélögum landsins. Könnunin byggðist upp á því að finna út hvað leikskólar sveitarfélaganna eru að bjóða einhverfum börnum er kemur að þjálfunarleiðum. Eru leikskólar sveitarfélagsins til að mynda að bjóða upp á fleiri en eina þjálfunarleið í sama leikskólanum og er einhver munur á stuðningi sem barn fær eftir þjálfunarleiðum?
Megin niðurstöður könnunarinnar voru þær að í fæstum tilfellum voru leikskólar að bjóða upp á fleiri en eina þjálfunarleið. Öll sveitarfélögin tóku þó skýrt fram að enginn munur væri á stuðningi sem börn fengju eftir þjálfunarleiðum, fötlun og þörf barns væri aðalatriðið.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
lokaverkefnið okkar_2.pdf | 598.99 kB | Opinn | Heildartexti | Skoða/Opna |