ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Menntavísindasvið >Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6910

Titill

Snemmtæk íhlutun í lestri : rannsókn á árangursríkri lestrarkennslu í 1. bekk grunnskóla

Útgáfa
Október 2010
Útdráttur

Markmiðið með þessari rannsókn er að afla og miðla faglegum upplýsingum um snemmtæka íhlutun í lestrarkennslu. Rannsóknin var tilviksrannsókn þar sem beitt var eigindlegri rannsóknaraðferð. Gagna var aflað í tveimur grunnskólum með viðtölum við sex grunnskólakennara, þrjá umsjónarkennara og jafnmarga sérkennara sem kenna 1. bekk og hafa að leiðarljósi snemmtæka íhlutun í lestrarkennslunni. Gengið var út frá eftirfarandi rannsóknarspurningu: Hvers konar kennsluaðferðir einkenna snemmtæka íhlutun í lestri í 1. bekk grunnskóla? Meginniðurstöður rannsóknarinnar voru að snemmtæk íhlutun í lestri í þeim skólum, sem rannsóknin náði til, felist meðal annars í samstarfi leikskóla og grunnskóla í þeim tilgangi að brúa bilið milli skólastiganna. Það var gert með því að fylgja eftir skimunarprófum úr leikskóla í grunnskóla. Börn, sem samkvæmt skimunarprófi í leikskóla töldust í áhættu varðandi lestrarerfiðleika, fengu strax við upphaf grunnskóla lestrarkennslu í litlum hópi og þau sem verst stóðu einstaklingskennslu hjá sérkennara. Snemmtæk íhlutun fólst einnig í því að lögð var áhersla á reglubundið mat á lestrargetu yfir fyrsta skólaárið. Þá var jafnframt lögð áhersla á einstaklingsmiðaða kennslu sem byggir á árangursríkum raunprófuðum kennsluaðferðum sem fela í sér þjálfun hljóðkerfisfærni, kennslu í hljóðaaðferð, lesfimi og lesskilningi. Í báðum skólunum var lögð áhersla á samstarf umsjónarkennara og sérkennara sem unnu í nánu samstarfi með nemendahópinn. Kennslufyrirkomulagið í öðrum skólanum var með þeim hætti að leitast var við að mæta þörfum allra nemenda með því að skipuleggja einstaklingsmiðaða nálgun í smærri færnimiðuðum hópum. En í hinum skólanum var reynt að mæta nemendum með því að skipuleggja einstaklingsmiðaða kennslu út frá svæðavinnu. Í skólunum var verið að nálgast einstaklinginn á aðeins ólíkan hátt en með sama markmiðið að leiðarljósi. Fram kom í viðtölum að góður árangur í lestri í lok skólaársins væri ekki síst að þakka undirbúningi lestrarkennslunnar með skimun og mati, ásamt raunprófuðum markvissum kennsluaðferðum og kennsluskipulagi þar sem foreldrar og kennarar höfðu náið samstarf.

Birting
9.11.2010


Skrár
NafnRaðanlegtStærðHækkandiAðgangurRaðanlegtLýsingRaðanlegtSkráartegund
Þóra Sigurðardóttir M.Ed. ritgerð.pdf656KBOpinn Heildartexti PDF Skoða/Opna