is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/6998

Titill: 
  • „Þegar ágústnóttin nálgast nýt ég þess að vera til.“ Rannsókn á Þjóðhátíð í Vestmannaeyjum fyrr og nú
Námsstig: 
  • Bakkalár
Leiðbeinandi: 
Útdráttur: 
  • Þjóðhátíð Vestmannaeyja er ein stærsta útihátíð sem haldin er á Íslandi ár hvert í ágústbyrjun og eina hátíðin sem haldin hefur verið nánast samfellt í rúma öld. Í þrjá daga á ári safnast Vestmannaeyingar saman í Herjólfsdal og bjóða gesti velkomna á hátíðina og segja má að þetta sé mikrocosmos í tíma og rúmi. Hátíðarsvæðið er afmarkað og stórfenglega búið, bæði af náttúrunnar og manna höndum. Hvítu tjöld heimamanna eru eins og lítil heimili í skipulögðum götum á meðan á hátíðinni stendur og eru þau búin húsgögnum, mat og drykk. Tjöld aðkomumannanna eru á öðrum stað í Dalnum og er einna helst eins og lítið kúluþorp hafi litið þar dagsins ljós. Tjörn er í miðjum Dalnum með ljósaskreyttri brú yfir sig miðja og við hana eru verslunarbásar þarsem hægt er að kaupa sér sælgæti, búninga og neonljós hvers konar svo eitthvað sé nefnt. Svæðið er þá afgirt með hliðum og vaktað af gæslufólki og er náið samstarf milli þeirra og sjúkragæslustarfsmannanna sem eru með aðstöðu á svæðinu til að sinna fólki. Fólk getur einnig fengið heitan mat í veitingatjaldinu sem er staðsett rétt hjá stóra sviðinu. Stóra sviðið snýr einmitt að brekkunni þar sem fólk getur setið og tekið undir með lögunum enda er brekkan eins og sérsmíðuð áhorfendastúka af náttúrunnar hendi og þegar tónlistin endurkastast frá hamraklettunum hefur það magnaðri áhrif en nokkur hljómtæki gætu haft.
    Á þessari þriggja daga hátíð virðist fólk sameinast. Svo virðist sem öll mörk milli fólks hverfi innan þessa afmarkaða svæðis á þessum afmarkaða tíma. Með ljósadýrð, gnægð matar, drykkja og tónlistar þá losnar um ákveðin höft hjá fólki og þannig virðist það upplifa ákveðið frelsi. Fólk klæðist búningum, tekur upp á alls kyns hlutum sem það myndi ekki annars gera og allt er þannig leyfilegt: á þessum tíma er því ekkert eðlilegra en að vera óeðlilegur.
    Hátíð þessi hefur fyrir löngu fest sig í sessi og er uppfull af hefðum og siðum sem hafa gengið frá einni kynslóðar til annarrar. Þetta er því ákveðin samfella í gegnum aldirnar þótt hátíðin hafi tekið breytingum með breyttu samfélagi í gegnum tíðina. Markmið mitt með þessari ritgerð er að skoða vandlega þróun hátíðarinnar frá því að hún var fyrst haldin, skoða hvers kyns eðlisumbreyting hátíðarinnar hefur átt sér stað og greina hvaða þörfum hún mætir hjá þátttakendum.

Samþykkt: 
  • 7.12.2010
URI: 
  • http://hdl.handle.net/1946/6998


Skrár
Skráarnafn Stærð AðgangurLýsingSkráartegund 
BA-RITGERDIN.pdf1.82 MBOpinnHeildartextiPDFSkoða/Opna