is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7038

Titill: 
  • Efnahagsbrot: Einkenni gerenda og þolenda og tilhögun refsiábyrgðar
Námsstig: 
  • Bakkalár
Útdráttur: 
  • Efnahagsbrot hafa verið mikið í umræðunni nýverið í kjölfar kreppunnar sem skall á haustið 2008. Fram að þessu hefur lítið efni verið til um efnahagsbrot á Íslandi, bæði um skilgreiningu og flokka þeirra. Markmiðið með þessari ritgerð er að fjalla um hvað felst í skilgreiningu efnahagsbrota, hver eru einkenni hinna hefðbundnu gerenda og þolenda. Hin svokallaða stimplunarkenning verður sérstaklega skoðuð og hvort að kynbundið launamisrétti geti mögulega talist til efnahagsbrots, og að lokum hvað felst í refsiábyrgð og þá sérstaklega refsiábyrgð lögaðila. Til að lýsa þessu verður aðallega litið til fræðirita en þá einnig dómaframkvæmdar þegar hún á við.
    Í ritgerðinni verður fjallað almennt um efnahagsbrot með hliðsjón af vægi þeirra í samfélaginu. Í henni er einnig greint stuttlega frá hvítflibbabrotum og hvað aðgreinir þau frá almennum efnahagsbrotum og svo er ítarlegar vikið að hvítflibbabrotunum í kafla 2.1
    Í 3. kafla verður fjallað um einkenni gerenda efnahagsbrota. Þar verða ræddar ýmsar kenningar um einkenni gerenda og réttlætingarferli þeirra. Þar verður líka getið um siðræn og siðferðisleg vandamál sem fylgja efnahagsbrotum. Að lokum verða gerendur efnahagsbrota og þátttakendur í skipulagðri glæpastarfsemi bornir saman stuttlega.
    Í 4. kafla verður fjallað um einkenni þolenda efnahagsbrota, hvert er tjón þeirra, hver eru hin raunverulegu fórnarlömb og hver sé ástæða þess að dulin brotastarfsemi sé svona mikil á sviði efnahagsbrota. Að lokum verður vikið stuttlega að þeim möguleika hvort að konur séu sérstakir þolendur efnahagsbrota og þá aðallega þegar um er að ræða kynbundið launamisrétti.
    Í 5. kafla ritgerðarinnar verður fjallað um tilhögun refsiábyrgðar í efnahagsbrotum og sérstaklega um refsiábyrgð lögaðila. Þar verður vikið að hugtakinu lögaðili og refsiábyrgð á efnahagsbrotum í atvinnustarfsemi lögaðila. Að lokum verður fjallað um viðurlög við efnahagsbrotum, núgildandi og framtíðarviðurlög. Þá verður vikið að því hvað felst í fésektum og sviptingu starfsréttinda og hvaða áhrif þau hafa með hliðsjón af dómaframkvæmd. Einnig verður fjallað um önnur úrræði sem í boði eru og hvernig má breyta þeim og betrumbæta.

Samþykkt: 
  • 15.12.2010
URI: 
  • http://hdl.handle.net/1946/7038


Skrár
Skráarnafn Stærð AðgangurLýsingSkráartegund 
BARITGERD1.pdf321.23 kBOpinnMeginmálPDFSkoða/Opna
forsidaBA.pdf183.28 kBOpinnForsíðaPDFSkoða/Opna