Sjóðstreymi

Abstract

Þessi ritgerð fjallar um sjóðstreymi og er farið eftir reglum Alþjóðlega reikningsskilaráðsins.Þrír helstu flokkar sjóðstreymis ásamt ófjárhagslegum hreyfingum eru skoðaðir og greindir. Ítarlega er fjallað um tvær aðferðir sem tíðkast aðallega í heiminum við að gera grein fyrir rekstrarhreyfingum, beinu og óbeinu aðferðina. Einnig er sambland af beinni og óbeinni aðferð skoðað. Mismunurinn milli reglna Alþjóðlega reikningsskilaráðsins og bandaríska reikningsskilaráðsins er skoðaður og kemur í ljós að munurinn á þeim er lítill við gerð sjóðstreymis.Síðasti hluti ritgerðarinnar fjallar um sjóðstreymisgreiningu og eru sýndar helstu aðferðir við gerð sjóðstreymisgreiningar og ýmsar kennitölur tengdar sjóðstreymi eru sýndar. Sjóðstreymisgreining á fyrirtækinu N1 er gerð. Við sjóðstreymisgreiningu á N1 kemur ýmislegt í ljós og má þar aðallega sjá að mikið af handbæru fé þeirra á hverju ári fer í að greiða niður skuldir.