ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7264

Titlar
  • Sameining ríkisstofnana 1996-2007. Markmið sameininga

  • en

    Consolidations of public organizations 1996-2007: The objectives

Útgáfa
Febrúar 2011
Útdráttur

Verkefni þetta fjallar um sameiningu ríkisstofnana á árunum 1996-2007. Megintilgangur verkefnisins er að skoða helstu markmið sameininga. Einnig er fjallað er um aðdraganda og formleg rök eru greind. Þær tíu sameiningar sem fjallað er um eru Siglingastofnun Íslands, Heilbrigðisstofnun Austurlands, Landspítali-háskólasjúkrahús, Umferðarstofa, Umhverfisstofnun, Landbúnaðarháskóli Íslands, Landbúnaðarstofnun, St. Jósefsspítali-Sólvangur, Lögreglustjórinn á Suðurnesjum og Matís ohf. Helstu rök með og gegn sameiningum eru skoðuð. Stuðst er við lagafrumvörp sem varða sameiningarnar og skýrslur Ríkisendurskoðunar. Þar sem sameining leiðir oft til stærðarhagkvæmni er stuðst við hugtök úr hagfræði á borð við samlegðaráhrif, viðskiptakostnað og skilvirkni. Að auki er fjallað um formgerðir skipulagsheilda samkvæmt klassískum stjórnunarkenningum. Áætlaður sparnaður og kostnaður vegna sameiningar er einnig skoðaður. Markmið með sameiningu þessara stofnana eru ólík en þrjár breytur eru notaðar til að greina niðurstöðurnar. Þær eru faglegur ávinningur, stærðarhagkvæmni og bætt þjónusta. Yfirlýst markmið sameininganna eru greind og leiðir niðurstaða þeirrar greiningar í ljós að faglegur ávinningur var meðal markmiða í öllum þeim tíu tilvikum sameininga sem skoðuð eru. Stærðarhagkvæmni átti við í níu af tíu tilvikum og bætt þjónusta í sex tilvikum. Allar þær sameiningar sem fjallað er um höfðu að minnsta kosti tvenns konar markmið til grundvallar sameiningu.

Birting
13.1.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
BA ritgerð, Steinu... .pdf299KBLokaður Heildartexti PDF