is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7285

Titill: 
  • Auglýsingar; óþarft áreiti eða nauðsynlegur þáttur á markaði? Rannsókn á viðhorfi Íslendinga til auglýsinga
Námsstig: 
  • Meistara
Útdráttur: 
  • Auglýsingar eru stór hluti markaðsstarfs og geta haft mikil áhrif á trúverðugleika og sölu á vöru og þjónustu fyrirtækja. Með aukinni samkeppni á markaði er barist um athygli neytenda með auglýsingum og fleiri markaðsaðgerðum. Markmið rannsóknarinnar var að skoða hvert viðhorf Íslendinga sé til auglýsinga og hversu gagnlegar þær eru að mati neytenda, þá helst fyrir neytendurna sjálfa og samfélagið í heild. Viðhorf fólks hefur áhrif á hvort það sé tilbúið að trúa þeim upplýsingum sem koma fram í auglýsingum og í framhaldi af því hvort fólk hafi áhuga á að kaupa vöruna eða þjónustuna.
    Í rannsókninni var notast við megindlega rannsóknaraðferð, þar sem rafræn könnun var send til fólks. Úrtaksaðferð sem nefnist snjóboltaúrtak var notuð og svöruðu alls 370 manns könnuninni. Notast var við spurningalista Pollay og Mittal um viðhorf almennings til auglýsinga. Spurningalistinn byggðist helst á 32 fullyrðingum um auglýsingar þar sem þátttakendur voru beðnir um að svara á ákveðnum kvarða, þar sem 1 táknaði mjög ósammála og 5 táknaði mjög sammála. Seinni hluti könnunarinnar tengist bakgrunnsþáttum svarenda, t.d. kyn, menntun, aldur, staða, búseta o.fl.
    Niðurstöður rannsóknarinnar voru þær að almennt viðhorf fólks til auglýsinga er frekar jákvætt og að flestir eru sammála um að auglýsingar geta verið skemmtilegar. Einnig telur fólk að ýmsar gagnlegar upplýsingar fáist með auglýsingum en ekki að þær hafi þau áhrif að markaðurinn verði hagstæðari fyrir neytendur. Þó kemur í ljós að flestum finnst auglýsingar vera blekkjandi og að þær hafi slæm áhrif á samfélagið. Ástæða þess getur verið sú að auglýsingar eru oft á tíðum ýktar til að ná athygli og sem mestum áhrifum og eru þannig e.t.v. taldar vera blekkjandi að vissu leyti. Einnig er oft sýndur ákveðinn draumaheimur og gylliboð í auglýsingum eru oft áberandi. Þessir þættir geta stuðlað að aukinni eyðslu og eftirsókn eftir einskisverðum hlutum og jafnvel gefið þá tálsýn að keyptir hlutir auki hamingju fólks. Þannig mun fólk fara að trúa að lífsgæðin felist ekki í þeim gildum sem eru mikilvæg í samfélaginu, svo sem heiðarleika, gleði, hamingju, ást, trú, tryggð o.s.frv.

Samþykkt: 
  • 14.1.2011
URI: 
  • http://hdl.handle.net/1946/7285


Skrár
Skráarnafn Stærð AðgangurLýsingSkráartegund 
MS_ritgerd_Audur.hafthorsd.pdf1.22 MBLokaðurHeildartextiPDF