ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Hug- og félagsvísindasvið>B.A./B.Ed. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/729

Titill

Sá sem trúir á draug finnur draug : Svæðisútvarp Austurlands á tímum stóriðjuframkvæmda

Útdráttur

Síðastliðin ár hafa verið mjög viðburðarík á Austurlandi. Umfangsmiklar framkvæmdir hófust
árið 2003 þegar ákveðið var að reisa álver í Reyðarfirði og þar með einnig að byggja
Kárahnjúkastíflu til að sjá álverinu fyrir rafmagni. Þessar framkvæmdir hafa verið mjög
umdeildar frá upphafi og hafa umhverfisverndarsinnar þar mótmælt hvað harðast. Á svo
athafnasömum tímum er einnig mikið að gera hjá fjölmiðlum við að upplýsa almenning um
allt sem fram fer í samfélaginu, ekki einungis framkvæmdirnar sem slíkar heldur alls kyns
fylgifiska þeirra. Svæðisútvarp Austurlands er með útsendingu fjóra daga í viku í 35 mínútur í
senn en útsendingin heyrist á bylgju Rásar 2 um allt Austurland. Stöðin hefur þrjá fréttamenn
starfandi sem sjá um að afla frétta í Svæðisútvarpið jafnframt því að sjá um mest alla
efnisöflun af Austurlandi fyrir Ríkisútvarpið, bæði í útvarp og sjónvarp. Þessi rannsókn tekur
til fjögurra ára af fréttum Svæðisútvarpsins til að sjá hvort fyllsta hlutleysis sé gætt í
fréttaflutningi af stóriðjunni. Ákveðin tímabil voru tekin fyrir á hverju ári, frá byrjun maí fram
í enda september, alls 40 vikur í heildina.
Stóriðjufréttir voru greindar niður í tæknilegar-, virkjana-, og umhverfisfréttir þar sem
tæknilegar fréttir eru einungis um tæknileg atriði stóriðjuframkvæmdanna í Reyðarfirði og við
Kárahnjúka. Tíminn sem fór í virkjana- og umhverfisfréttir reyndist vera mjög svipaður og
ekki marktækur munur miðað við 95% öryggismörk. Það sama gilti með þær fréttir sem voru
skilgreindar sem jákvæðar eða neikvæðar gagnvart stóriðjunni, það var ekki marktækur
munur þar á milli.
Svæðisútvarpið hefur fengið á sig þá gagnrýni að vera hlutdrægt, ýmist með eða á móti
stóriðjunni. Það virðist þó vera sem fréttaflutningurinn sé í jafnvægi og að íbúar Austurlands
fái þannig að njóta þess að hafa nærmiðil sem tekur faglega á málefnum líðandi stundar.

Athugasemdir

Verkefnið er opið nemendum og starfsfólki Háskólans á Akureyri

Birting
1.1.2007


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
ba_sa_sem_truir.pdf531KBTakmarkaður Sá sem trúir - heild PDF  
efnisyfirlit_ragga... .pdf29,2KBOpinn Sá sem trúir - efnisyfirlit PDF Skoða/Opna
frettagreiningarbl... .pdf12,9KBTakmarkaður Sá sem trúir - fylgiskjöl1 PDF  
heimildarskra_ragg... .pdf33,8KBOpinn Sá sem trúir - heimildaskrá PDF Skoða/Opna
spurningar_vidtol_... .pdf13,1KBTakmarkaður Sá sem trúir - fylgiskjöl2 PDF  
utdrattur_ragga_greta.pdf10,6KBOpinn Sá sem trúir - útdráttur PDF Skoða/Opna