Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7318
Ritgerðin fjallar um landslagsljósmyndun og áhrif hennar á skynjun, en slík skynjun er hluti af viðameiri ferlum og má þar nefna viðhorf til nýtingar náttúru sem og sjálfsmynd hópa eða þjóða. Hugtakið landslag verður skoðað út frá kenningum um fagurfræði þess, sem og sjónarhornum landfræðinga. Dregin verður upp mynd af fjölbreytileika þessara fræðasviða varðandi nálgun á hugtakið, auk þess að líta á stöðu ljósmyndunar í tengslum við fagurfræði, list og eiginleika. Einn frægasti birtingarvettvangur landslagsljósmynda, National Geographic, verður skoðaður og gerð grein fyrir hvaða myndsýn er birt. Söguleg yfirferð á þróun landslagsljósmyndunar í Bandaríkjunum og á Íslandi, með áherslu á nokkra helstu ljósmyndara og viðfangsefni, varpar ljósi á stefnur og áhrifaþætti á nálgun ljósmyndara. Sú þróun varpar skýrara ljósi á þætti ljósmynda í mótun sjálfsmyndar og því ferli sem í því felst. Viðtöl við þrjá vel þekkta ljósmyndara, sem allir beina sjónum sínum að landslagi, draga fram beinar hugmyndir og afstöðu ljósmyndara og skapa tengingar við kenningar sem og sögulega þróun. Með því móti fæst heildsteyptari sýn á viðfangsefni sem tengist í gegnum fjölbreyttar nálgananir ýmissa fræðasviða.
Lykilorð: Landslagsljósmyndun, landslagsskynjun, landslag, fagurfræði, fræðileg nálgun, birtingarvettvangur ljósmynda, söguleg yfirferð, viðtöl við ljósmyndara
Skráarnafn | Stærð | Aðgangur | Lýsing | Skráartegund | |
---|---|---|---|---|---|
BA_SvavarJonatansson.pdf | 284.72 kB | Opinn | Heildartexti | Skoða/Opna |