ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Hugvísindasvið>B.A. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7362

Titill

Starfsemi Barnavinafélagsins Sumargjafar árin 1924–1954. Uppbygging og framþróun dagvistar á barnaheimilum í Reykjavík

Útgáfa
Janúar 2011
Útdráttur

Ritgerð þessi fjallar um Barnavinafélagið Sumargjöf sem átti frumkvæði að uppbyggingu dagvistunar og leikskólastofnana yngri barna í Reykjavík. Í upphafi verður fjallað um hvað var gert eða látið ógert í málefnum bágstaddra barna í lok 19. aldar og fyrrihluta 20. aldar, þ.e.a.s. fram að stofnun Barnavinafélagsins árið 1924. Ýmis félagasamtök og einstaklingar áttu frumkvæði að stofnun barnaheimila fyrir bágstödd börn. Megin viðfangsefni þessarar ritgerðar er stofnun og helstu uppgangsár Barnavinafélagsins Sumargjafar. Barnavinafélagið Sumargjöf var stofnað af áhugasömum konum sem störfuðu saman innan Bandalags kvenna. Lögð verður áhersla á fyrstu 30 árin í sögu félagsins, árin 1924–1954. Helsta ástæða þess að fjallað er um þetta tímabil, er að á þeim tíma áttu sér stað miklar breytingar í uppeldismálum í Reykjavík og Barnavinafélagið vann að ýmsum nýjungum sem ekki höfðu sést áður hér á landi. Starfsemi dagheimilanna verður könnuð, skipulag, tilgangur og markmið þeirra, hvaða börn fengu inngöngu og hvaða breytingar urðu á samfélaginu í kjölfarið. Einnig verður fjallað um helstu fjárveitingar, styrki og fjáröflun á vegum félagins. Barnavinafélagið stóð að frumkvöðlastarfi á ýmsum öðrum sviðum t.d. með stofnun Uppeldis- og síðar Fóstruskóla, vöggustofa, blaðaútgáfu og fjáröflunarhátíða á sumardaginn fyrsta.

Birting
20.1.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
BA_LOKARITGERDIN_2011.pdf393KBLokaður Heildartexti PDF