ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7374

Titill

Hegðun, líðan og félagslegar aðstæður 11-18 ára barna innan barnaverndar á Íslandi. Sjónarhorn barna, foreldra, kennara og starfsfólks barnaverndar

Útgáfa
September 2005
Útdráttur

Leitað var eftir upplýsingum um félagslegar aðstæður og eftir samræmdu mati á vandkvæðum í úrtaki 90 barna á aldrinum 11-18 ára innan barnaverndar á Íslandi. Brottfall var 47%. Upplýsingar um félagslegar aðstæður bárust frá foreldrum 27 barna. 144 staðlaðir matslistar ASEBA bárust frá foreldri/um, kennara, börnunum sjálfum og starfsfólki barnaverndar, varðandi 48 börn. Barnaverndarmálin höfðu staðið yfir í 4-44 mánuði og 30% málanna áður verið í vinnslu hjá barnaverndaryfirvöldum. Rannsóknin var megindleg og úrtakið slembiúrtak úr málaskrá opinna mála hjá barnaverndarnefndum í 13 umdæmum. Við tölfræðilega úrvinnslu var gerð dreifigreining og aðhvarfsgreining. Helstu niðurstöður voru að heildarvandkvæði, félagsleg færni og námsleg staða barnanna mælast á klínískum mörkum. Munur er á mati upplýsingagjafanna en sá munur er breytilegur eftir einkenna- og færniþáttum. Vísbending er um að foreldrar og kennarar meti erfiðleika meiri en barnið sjálft og starfsfólk barnaverndar gerir. Félagslegar aðstæður fjölskyldna barnanna einkennast af álagsþáttum s.s. skertri starfsorku, lítilli menntun og lágum tekjum. Niðurstöður rannsóknarinnar sýna að 11-18 ára börn innan barnaverndar mælast með þrisvar til fjórum sinnum meiri vandkvæði en íslensk börn almennt og álíka mikil og börn sem leita aðstoðar innan geðheilbrigðiskerfisins. Samanburður við úrtak barna innan barnaverndar í Noregi og við klínískt úrtak í Bandaríkjunum sýnir að íslensku börnin eiga við álíka mikinn vanda að etja og þarlend börn. Niðurstöður benda til mikilvægis notkunar staðlaðs matstækis á vandkvæðum barna innan barnaverndar og gefa tilefni til umræðu og frekari rannsókna á sviði barnaverndar á Íslandi.

Birting
20.1.2011


Skrár
NafnRaðanlegtStærðRaðanlegtAðgangurHækkandiLýsingRaðanlegtSkráartegund
ritgerð hg 19sept ... .pdf2,05MBOpinn Heildartexti PDF Skoða/Opna