is Íslenska en English

Lokaverkefni (Meistara)

Háskóli Íslands > Hugvísindasvið > Meistaraprófsritgerðir - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7462

Titill: 
  • Sviðslistahátíðin artFart. Menningarlegt gildi í íslensku sviðslistalífi
Námsstig: 
  • Meistara
Útdráttur: 
  • Á seinasta áratug hefur verið sprenging í fjölda hátíða á Íslandi. Þær eru hægt að finna um allt land og er markmið þeirra og tilgangur jafn fjölbreyttur og þær eru margar. Í Reykjavík má einnig finna margar hátíðir og þá sérstaklega innan listageirans. Má þar nefna Listahátíð í Reykjavík, Reykjavík Dance Festival, Reykjavík International Film Festival og Sviðslistahátíðina artFart. Sú síðastnefnda hefur verið haldin árlega frá því að
    hún var stofnuð, árið 2006. Hún hefur stækkað gríðarlega á seinustu fimm árum og er óhætt að segja að hún sé orðin fastur punktur í tilveru margra leiklistaráhugamanna sem
    og ungra sviðslistamanna á Íslandi.
    Eftir fimm ár er hátíðin á tímamótum. Hin gríðarlega stækkun hefur gert það að verkum að endurskoða þarf uppbyggingu og stjórnun hennar og velta fyrir sér hlutverki hennar í íslensku menningarlífi. Af þeim sökum, er nauðsynlegt að spyrja; Hvert er menningarlegt gildi artFart í íslensku sviðslistalífi?
    Tilgangur þessarar ritgerðar er að komast að niðurstöðu í gegnum skoðun á félagslegum, fræðilegum og sögulegum þáttum í tengslum við framkvæmd hennar árið 2010. Fjallað verður stuttlega um menningarlandslag Reykjavíkurborgar og verður umhverfið árið
    2006 sérstaklega skoðað, er hátíðin hóf göngu sína. Fjallað verður um hátíðina sjálfa, markmið hennar, hlutverk og sögu. Þá verður litið á hátíðina út frá fræðilegum grundvelli í tengslum við hugmyndir um menningarlegt gildi, vald, tilraunir innan leiklistarformsins og neyslu. Þvínæst verður framkvæmd artFart 2010 útlistuð þar sem gert verður grein
    fyrir ferli hennar og þróun frá september 2009 til september 2010. Einnig verður fjallað um áhrif hátíðarinnar á íslenskt sviðslistaumhverfi. Sá kafli er byggður á spurningum og
    svörum sviðslistamanna sem tekið hafa þátt í hátíðinni og einnig einstaklinga innan
    menningargeirans sem hafa fylgst með hátíðinni síðastliðin fimm ár. Má þar nefna sviðslistamenn, gagnrýnendur og kennara við leiklistardeild Listaháskóla Íslands. Loks
    verður ályktað um framtíð hátíðarinnar, út frá svörum viðmælenda í samhengi við stöðu og sögu hátíðarinnar. Niðurstöður verða dregnar um menningarlegt gildi hennar út frá
    fjórum þáttum. Menningarlegu landslagi Reykjavíkur, fræðilegu á framkvæmd hennar árið 2010 í samhengi við sögu hátíðarinnar og ferli hennar og að
    lokum út frá svörum viðmælenda sem starfa innan íslenskra sviðslista. Út frá niðurstöðum þessara fjögurra þátta kom fram skýr mynd um menningarlegt hlutverk artFart í íslensku sviðslistalífi.
    Niðurstaðan var sú, út frá samfélagslegum og fræðilegum niðurstöðum, sem og framkvæmd hátíðarinnar árið 2010, að artFart hátíðin hefur ótvírætt menningarlegt gildi í íslensku sviðslistalífi. Hins vegar stendur hún á tímamótum. Hún þarf að aðlaga sig breyttum aðstæðum hvað varðar stærð og fjölbreytileika verka, svo að möguleiki sé á því að stjórna henni af bestu getu til að hún geti sinnt markmiðum sínum og markhóp af
    fullum krafti.

    Staða hennar er greinilega orðin sterk innan íslenskra sviðslista, hún á sinn samastað og það er vonin að hún haldi einungis áfram að þróast og verða sterkara afl í komandi
    framtíð.

Tengd vefslóð: 
Samþykkt: 
  • 31.1.2011
URI: 
  • http://hdl.handle.net/1946/7462


Skrár
Skráarnafn Stærð AðgangurLýsingSkráartegund 
meistarastykkiloka.pdf17.86 MBOpinnHeildartextiPDFSkoða/Opna