Með vatnalögum nr. 20/2006, var breytt skilgreiningu á eignarréttarákvæði eldri vatnalaga nr.15/1923. Var talið að ekki þætti æskilegt lengur að túlka ákvæðið á jákvæðan hátt, en með því er átt við að ráðstöfunarheimildir yfir vatni sem á landareign manns er eru tæmandi taldar í lögunum. Neikvæð skilgreining er hins vegar þegar landeigandi hefur allar þær ráðstöfunar heimildir nema þær sem sérstaklega er kveðið á um í lögum. Ritgerð þessi fjallar um eignarrétt á vatnsréttindum, og hvernig hann breytist við gildistöku vatnalaga nr. 20/2006.