Ský, ský burt með þig : barnabók með kennsluleiðbeiningum og fræðilegri greinargerð

Abstract

Ský, ský burt með þig er barnabók sem hefur að geyma fimm stuttar sögur af stúlkunni Emblu sem oft á tíðum á erfitt með að hemja skap sitt. Markmið bókarinnar er að hjálpa börnum að ná stjórn á tilfinningum sínum, sér í lagi reiði. Bókin byggir á hugtakinu gjörhygli (e. mindfulness) og aðferðum þess. Með því að nota gjörhygli er mögulegt að hjálpa börnum að róa sig og fá þau til að skoða hug sinn og líðan án þess að dæma eða bregðast við með neikvæðum hætti. Í greinargerðinni eru gerð skil á tilfinningum og lífsleikni í Aðalnámskrá leikskóla og markmið námskrárinnar borin saman við markmið bókarinnar. Fjallað er um barnabækur sem námstæki í kennslu fyrir börn og gildi góðra bóka. Skýrt er frá tilfinningum og hvernig þær hafa áhrif á líf og þroska barna auk þess sem litið er á kenningar Golemans um tilfinningagreind. Að lokum er gerð ítarleg grein fyrir hugtakinu gjörhygli og hvernig hægt er að vinna með aðferðir þess með börnum.Kennsluleiðbeiningar fylgja bókinni. Þar eru tillögur að verkefnum við hverja sögu. Verkefnin byggjast á fræðilegum hugmyndum um gjörhygli.