Grunnskólabörn með kuðungsígræðslu

Abstract

Ritgerð þessi er unnin til B.Ed. gráðu í grunnskólakennarafræðum við Háskóla Íslands, Menntavísindasviði haustið 2010. Ritgerðin fjallar um hvernig heyrnarlausum börnum með kuðungsígræðslu er mætt í grunnskólum landsins. Lýst er kuðungsígræðslu, fjallað um kennslu barna með kuðungsígræðslu erlendis og talað við kennara í þremur íslenskum skólum sem hafa nemendur með kuðungsígræðslu.Samkvæmt erlendum rannsóknum vilja börn með kuðungsígræðslu hafa táknmálið með því að þau heyra kannski ágætlega en skilja ekki hvað sagt er. Hér á landi er táknmálið ekki alls staðar notað með ef til vill vegna þekkingarleysis á þessum. málum. Greinilegt er að víða úti í heimi er þróunin í kennslu barna með kuðungsígræðslu mun lengra á veg komin en hér á landi og benda niðurstöður ritgerðarinnar til þess að auka þurfi fræðslu og ráðgjöf í skólakerfinu til þess að koma betur til móts við nemendur með kuðungsígræðslu. Skólarnir virðast huga betur að hljóðvist í umhverfi barnanna en minna að því að efla samskiptin.