Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7756
Megintilgangur þessarar rannsóknar er að svara þeirri spurningu hvort hnattvæðing og Evrópusamruni hafi haft grundvallaráhrif á norræna samvinnu. Leitast verður við að greina hvenær og hvernig norrænt samstarf breyttist í þessum efnum. Þá verður gerð grein fyrir því hvernig fjallað hefur verið um hnattvæðinguna og Evópusamrunan á norrænum vettvangi. Ennfremur verður grein gerð fyrir því hvort viðhorf norrænna ráðamanna til hnattvæðingar hafi verið jákvæð eða neikvæð. Verður leitast við að svara þeirri spurningu hvort norrænu ríkin hafi verið samdóma í afstöðu sinni til þessara mála og hvernig menn vildu bregðast við þróuninni. Þá verður fjallað um þau málefni sem norrænu þjóðirnar gerðu að höfuðviðfangsefnum sínum á þessum tíma. Verður leitast við að sýna fram á hvernig þau mál tengdust hnattvæðingu og Evrópusamruna. Verður í því sambandi gerð grein fyrir því að hvaða leyti Norðurlöndin töldu sig verða fyrir áhrifum hnattvæðingar sem og hvaða áhrif þau vildu hafa á þróun hennar. Að lokum verður reynt að svara þeirri spurningu hvaða gildi norrænt samstarf hafði í upphafi nýs árþúsunds. Í því sambandi verður höfuðáhersla lögð á að tengja hlutverk norrænnar samvinnu við stöðu Norðurlanda í heimi hnattvæðingar og Evrópusamruna.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Leifur_ReynissonMA.pdf | 1.29 MB | Opinn | Heildartexti | Skoða/Opna |