ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Menntavísindasvið >B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/778

Titill

Nám og leikur barna í einingakubbum

Útdráttur

Efniviður til leiks og náms í leikskólum er fjölbreyttur og býður upp á marga möguleika. Einingakubbarnir sem Caroline Pratt bandarískur barnakennari hannaði um aldamótin 1900, hefur verið vinsæll efniviður barna því hann er talinn efla þroska og nám þeirra á fyrstu árunum. Þessi spennandi efniviður er kominn inná marga leikskóla en hvaða hlutverki gegnir hann þar? Við ákváðum að kanna hvort að nám færi fram í leik barna og hvernig einingakubbar gætu stuðlað að námi. Rannsóknarspurning okkar er því „Hvernig stuðla einingakubbarnir að námi barna?”.
Til þess að fá svör við rannsóknarspurningu okkar framkvæmdum við athuganir í tveimur leikskólum höfuðborgarsvæðis. Ásamt því að fá svör við rannsóknaspurningu okkar vildum við sjá hvort leikskólarnir ynnu á svipaðan hátt með einingakubbana. Við leituðum einnig eftir hvort þekking starfsmanna á efniviðinum hefði áhrif á leik barnanna. Rannsóknaaðferðin sem við notuðumst við var eigindleg sem saman stóð af viðtölum og áhorfsathugunum. Við tókum viðtöl við 3 leikskólakennara og bárum saman við það sem við sáum á vettvangi. Í leikskólunum fengum við að fylgjast með þremur hópum barna. Fyrsti hópurinn skiptist niður í 3 stelpur og 3 stráka sem voru á aldrinum 4,7-5,9 ára. Annar hópurinn skiptist niður í 3 stelpur og 2 stráka sem voru á aldrinum 5,2 – 6,0 ára. Síðasti hópurinn sem við fylgdumst með var á aldrinum 3,4-3,10 ára og voru þetta 3 stelpur og 2 strákar.
Helstu niðurstöðurnar í athugun okkar voru þær að við sáum hvernig nám getur hugsanlega átt sér stað í einingakubbunum. Við komumst einnig að þeirri niðurstöðu að sá þáttur sem skipti hvað mestu máli varðandi hvernig starfsfólk nýtir einingakubbana til náms og leiks með börnunum er þekking þess á efniviðnum en ekki menntun. Eitt af því sem var mjög áberandi í athugun okkar var vanþekking og hræðsla starfsmanna við einingakubbanna. Við teljum að þessi vanþekking og hræðsla starfsmanna geti haft áhrif á leik barnanna ef til lengri tíma er litið. Að lokum vorum við sammála um mikilvægi einingakubba og byggingaleikja til leiks og náms leikskólabarna.
Elín Björk Einarsdóttir
Hólmfríður Júlíana Pétursdóttir

Birting
4.9.2007


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Nám og leikur barn... .pdf1,75MBOpinn Heildarverk PDF Skoða/Opna