ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7860

Titill

Beiting 1. mgr. 194. gr. hgl. þegar brotið er gegn 1. mgr. 202. gr. hgl.

Útgáfa
Júní 2011
Útdráttur

Kynferðisbrot gegn börnum hafa löngum verið talin ein alvarlegustu brot sem framin eru. Slík brot vekja viðbjóð og reiði í samfélaginu og aðilar sem fremja slík brot eru oft á tíðum fyrirlitnir og þeir útskúfaðir úr þjóðfélaginu. Börn sem verða fyrir kynferðislegu ofbeldi eiga oft erfitt með að veita mótspyrnu eða leita sér hjálpar þar sem þau eru uppfull af hræðslu og ótta, enda eru þau yfirleitt mun yngri en gerandinn og aflminni. Eru því dæmi um að slík brot gegn börnum viðgangist í áraraðir án þess að upp um þau komist.
Kynferðisbrot gegn börnum eru ein alvarlegustu brot sem unnt er að fremja, bæði að mati löggjafans og samfélagsins í heild. Er það vilji flestra að slík brot séu heimfærð á réttan hátt til refsiákvæða og þannig réttilega dæmd. Með því ætti réttarvernd barna að vera tryggð og tryggt að gerendur gjaldi fyrir brot sín á réttmætan og sanngjarnan hátt. Hér á eftir verður fjallað um það hvenær fyrstu málsgrein nauðgunarákvæðis almennra hegningarlaga nr. 19/1940 er beitt vegna kynferðisbrota gegn börnum, n.t.t. brota gegn 1. mgr. 202. gr. hgl., hvenær á að beita henni samkvæmt lögskýringargögnum og hvort dómaframkvæmd síðustu ára taki mið af því sem fram kemur í þeim gögnum, sbr. umfjöllun hér á eftir. Fyrst verður farið lauslega yfir réttarvernd barna á Íslandi, í Noregi og í Svíþjóð. Fjallað verður almennt um 1. mgr. 194. gr. og 1. mgr. 202. gr. hgl. og skilgreind helstu hugtök sem á reynir.

Birting
5.4.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Kolbrún Arnardótti... .pdf243KBOpinn Heildartexti PDF Skoða/Opna