Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7867
Vatnsgangnapróteinin (e. „aquaporins“) hafa það megin hlutverk að leyfa vatnsflæði gegnum frumuhimnur. Aquaporin 4 (AQP4) er algengasta vatnsgangnapróteinið í miðtaugakerfinu og er aðallega tjáð í stjarnfrumum. Angar stjarnfrumna mynda svokallaða endafætur (e. endfeet) utan um háræðar í miðtaugakerfinu. AQP4 er að mestu leyti staðsett í frumuhimnum stjarnfrumna þar sem þessir endafætur umlykja æðarnar og tekur þátt í vatnsflutningi inn og útúr heilanum. Heilabjúgur er sjúkdómsástand sem lýsir sér í uppsöfnun vökva innan eða utan frumna í heila. Vonir eru bundar við það að betri skilningur á stjórnun AQP4 próteinsins í heilanum skili sér í betri meðferðarúrræðum við heilabjúg. AQP4 er með PDZ bindiset (Ser-Ser-Val) á C-enda sínum og sýnt hefur verið fram á að nokkur prótein með PDZ-hneppi bindast AQP4 en hvort þau bindist um PDZ bindisetið er enn óráðið. Vitað er að sum þessara próteina eru mikilvæg fyrir stjórnun á staðsetningu AQP4 í frumuhimnunni. Í þessu verkefni var AQP4 án PDZ bindisetsins magnað upp og komið fyrir í genaferju. Fyrri niðurstöður um stöðugleika AQP4 próteinsins án SSV voru staðfestar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
AQP4 SM.pdf | 754.7 kB | Opinn | Heildartexti | Skoða/Opna |