Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7956
Þessi ritgerð byggir á fræðilegri úttekt á starfsánægju starfsfólks. Sérstök áhersla er lögð á að kanna þátt stjórnenda og áhrif sem þeir hafa á aukna starfsánægju. Farið verður í þrjár kenningar sem allar tengjast starfsánægju. Þarfakenningu Maslow, tveggja-þátta kenningu Herzberg og starfseiginleikakenningu Hackman og Oldham. Með hliðsjón af þessum kenningum er fjallað um mikilvægi samskipta og hvata í vinnuumhverfi til að auka starfsánægju. Starfsánægja byggist ekki einungis á þáttum sem stjórnendur fyrirtækja geta haft áhrif á. Kenning Mullins á starfsánægju er því könnuð, auk kenningar um smitáhrif og einstaklingsbundna þætti sem geta tengst starfsánægju. Þessi úttekt leiðir í ljós mikilvægi þess að stjórnendur hugi að vinnnuaðstæðum, vinnuumhverfi, vinnutíma, hrósi, umbun, góðum samskiptum og upplýsingaflæði. Það er starfsmönnum einnig mikilvægt að geta þróast í starfi, nýtt hæfileika sýna, fundið fyrir tilgangi, fjölbreytileika, starfsöryggi, sjálfræði og ábyrgð í starfi. Alla þessa þætti þarf að hafa í huga þegar starfsánægja er aukin.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Elísabet-BA.pdf | 421.35 kB | Lokaður | Heildartexti |