ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Félagsvísindasvið>B.A./B.Ed./B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/7999

Titill

Starfstengd hvatning: Áhrif kreppu

Útgáfa
Júní 2011
Útdráttur

Starfstengd hvatning er forsenda þess að starfsfólk skili starfi sem svo leiðir til þess að markmiðum fyrirtækisins verði náð. Innihald starfs og stjórnendur hafa mikil áhrif á það hversu mikilli hvatningu starfsmenn finna fyrir. Það er persónubundið hvaða þættir það eru sem orka sem starfstengd hvatning á starfsmenn. Sú starfstengda hvatning sem hefur mest áhrif á starfsmanninn hverju sinni getur stjórnast af umhverfinu. Undanfarin tvö ár hafa Íslendingar búið við kreppu, ástandið hefur einkennst af miklum samdrætti í íslenska hagkerfinu ásamt auknu atvinnuleysi á vinnumarkaði. Markmið þessarar rannsóknar var því að kanna hvort kreppa hefði áhrif á starfshvata og hvaða þættir það væru sem orkuðu mest hvetjandi á starfsmenn í starfi. Könnun var lögð fyrir starfsmenn á vinnumarkaði og kannað hvaða starfstengda hvatning það væri sem hefði mest áhrif á þá í starfi. Niðurstaðan var svo borin saman við sambærilega könnun sem gerð var árið 2007, á tíma góðæris. Sá tími einkenndist af mikilli þenslu á vinnumarkaði og í þjóðfélaginu. Árið 2007 töldu starfsmenn að starfsöryggi væri sá þáttur sem hvatti þá mest áfram í starfi þrátt fyrir sögulega lágt atvinnuleysi á Íslandi. Niðurstaða rannsóknarinnar nú sýndi hins vegar allt aðra niðurstöðu og var í raun töluvert frábrugðin þeirri fyrri sem gerð var árið 2007 því góð laun er sú starfstengda hvatning sem starfsmenn sækjast mest eftir í dag. Athygli vakti hvað starfsmenn lögðu litla áherslu á starfsöryggi miðað við það mikla atvinnuleysi sem nú er á vinnumarkaði. Niðurstöðurnar voru svo skoðaðar eftir kyni, aldri, menntun, starfsaldri og tekjum. Góð laun er sú starfstengda hvatning sem hvetur karla mest í starfi á meðan áhugaverð vinna hvetur konur mest í starfi. Að endingu voru niðurstöðurnar bornar saman við töluvert eldri sambærilegar rannsóknir og kom þar á óvart að launaþátturinn hefur tekið mikið stökk upp á við á starfshvatalistanum.

Birting
28.4.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
BS_Ritgerð_Læst.pdf843KBLokaður Heildartexti PDF