Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8024
Í þessari ritgerð er fjallað um Egyptaland út frá stöðu þess í alþjóðakerfinu og hver áhrif þess hafa verið á íslamisma í Egyptalandi. Kenningin um dependency verður notuð sem greiningartæki til þess að skýra stöðu Egyptalands gagnvart vestrænum þjóðum í gegnum söguna og hvernig sá veruleiki tengist inn í íslamismann. Egyptaland er eitt af þeim ríkjum Mið-Austurlanda sem hefur í gegnum langa sögu sína upplifað yfirráð vestrænna ríkja. Slík yfirráð hafa óhjákvæmilega haft áhrif á þjóðarsál Egypta og skapað hugmyndafræðileg viðbrögð. Þrátt fyrir nokkuð ólíkar áherslur er íslamismi hugtak sem tengist beint inn í íslamtrúnna sjálfa en sannir íslamistar vilja koma á íslömsku samfélagi með innleiðingu íslamskra trúarlaga. Hugmyndafræði íslamismans steig fram á sjónarsviðið eftir að veraldlegum ríkisstjórnum í ríkjum múslima mistókst að tryggja efnahagslegt sjálfstæði, velgengni og góða stjórn í ríkjum þess. Atburðir síðustu áratuga og dagsins í dag bera þess merki að staða Egyptalands í alþjóðakerfinu hefur á óyggjandi hátt verið drifkraftur á bak við íslamisma þar í landi. Þann 25.janúar 2011 átti sér stað bylting í Egyptaland sem steypti áralöngu einræðisfyrirkomulag af stóli. Eftir byltinguna ríkir nokkur óvissa um framtíðar stjórnarfyrirkomulag í Egyptalandi en hlutverk íslamismans hefur fest sig í sessi og mun viðhalda hlutverki sínu um ókomna framtíð.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Lokaritgerð Kristrún.pdf | 506.1 kB | Lokaður | Heildartexti |