is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8025

Titill: 
  • Góðlátlegt grín eða dauðans alvara? Greining á skörun tjáningarfrelsis og trúfrelsis í ljósi Múhameðsteikninganna og gagnkvæmri aðlögun múslima og vestrænna samfélaga
  • Titill er á ensku Darkly Comic or Deadly Serious? The Clash of Freedom of Speech and Freedom of Regligion in Light of the Muhammad Caricatures and Integration of Muslims into Western Society.
Námsstig: 
  • Bakkalár
Útdráttur: 
  • Innflytjendamál og samblöndun ólíkra menningarheima hafa verið í kastljósinu undanfarin ár og þá ekki síst staða múslima á Vesturlöndum. Menn hafa í því samhengi velt tjáningarfrelsinu fyrir sér. Efni þessarar ritgerðar er að greina skörun tjáningarfrelsis og trúfrelsis þegar múslimum fjölgar á Vesturlöndum. Í því skyni er sérstaklega fjallað um Múhameðsteikningarnar í Jyllands-Posten og eftirmála þeirra.
    Múhameðsteikningarnar voru og eru enn umdeildar á meðal fræðimanna og annarra. Ákveðinn tvískinnungsháttur virðist hafa einkennt ritstjórn blaðsins. Hún neitaði að birta skopmyndir af Jesú og helförinni, þar sem þær myndu mögulega móðga suma lesendur blaðsins. Í grein sem birtist með Múhameðsteikningunum voru skilaboðin til múslima hins vegar þau, að þeir þyrftu að venjast því að vera móðgaðir og hafðir að háði, ef þeir ætluðu á annað borð að búa á Vesturlöndum.
    Leitast er við að svara því hvort rétt hafi verið af blaðinu að birta myndirnar og gagnkvæm aðlögun múslima og vestrænna samfélaga skoðuð. Rýnt er í lagabókstafinn, umræðu fræðimanna og fjölmiðla og að lokum í rannsóknir á stöðu múslima á Vesturlöndum og fordómum í garð þeirra. Þá er umræðan einnig heimfærð yfir á Ísland, þar sem múslimskir innflytjendur eru enn fáir.
    Niðurstöður þessarar ritgerðar gefa til kynna að hæpið sé að banna birtingu skopmynda sem þessara með lögum. Hins vegar er ljóst að uppræta þarf fordóma í garð innflytjenda, og þá sérstaklega múslima, í vestrænum samfélögum.

Samþykkt: 
  • 29.4.2011
URI: 
  • http://hdl.handle.net/1946/8025


Skrár
Skráarnafn Stærð AðgangurLýsingSkráartegund 
guðnýhrafnkelsdóttir.pdf447.66 kBOpinnHeildartextiPDFSkoða/Opna