ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Heilbrigðisvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8053

Titlar
  • Tölfræðileg úttekt á framleiðslu- og kostnaðarkerfi Landspítala

  • en

    Statistical evaluation of the activity- and costing system at Landspítali University Hospital

Útgáfa
Júní 2011
Útdráttur

Íslensk sjúkrahús eru að nær öllu leyti fjármögnuð á föstum fjárlögum. Undanfarin ár hefur Landspítali verið undir það búinn að taka upp fjármögnun byggða á framleiðslu með DRG (Diagnosis related groups) kerfinu. Flest lönd greiða að einhverju leyti fyrir heilbrigðisþjónustu sína að teknu tilliti til framleiðslu.
Markmið rannsóknarinnar er að skoða hve vel DRG kerfið fellur að kostnaðargreiningu og klínískri starfsemi spítalans.
Helstu niðurstöður eru þær að DRG vigtir skýra 48,9% af heildarbreytileika í kostnaði við legusjúklinga á LSH. Þegar innlagnarmáta er bætt við skýrir hann ásamt vigtunum 49,2% af heildarbreytileika í heildarkostnaði. Af 340 DRG flokkum sem innihalda 15 sjúklinga eða fleiri reyndist 21 flokkur (6,2%) ekki einsleitur í kostnaði. Kostnaður DRG flokka með aukakvillum voru bornir saman við sambærilega DRG flokka án aukakvilla. Alls voru borin saman 52 pör og reyndist ekki tölfræðilega marktækur munur milli þessara flokka í 13 tilfellum. Að sama skapi var athugað hvort DRG flokkar sem innihalda dagsjúklinga væru marktækt ódýrari en sambærilegir DRG flokkar sem innihalda legusjúklinga. Pörin voru 9 og var marktækur munur milli þeirra allra.
Niðurstöður rannsóknarinnar benda til að DRG kerfi Landspítala geti, út frá aðferðafræðilegu sjónarhorni, staðið undir breytingum á fjármögnun, þ.e. yfir í fjármögnun byggða á framleiðslu. Mikilvægt er þó að halda áfram athugunum á DRG og kostnaðarkerfinu.

Birting
29.4.2011


Skrár
NafnRaðanlegtStærðHækkandiAðgangurRaðanlegtLýsingRaðanlegtSkráartegund
Arnar Bergþórsson.pdf2,43MBOpinn Heildartexti PDF Skoða/Opna