Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8106
Ritgerðin fjallar um félagslegar afleiðingar heyrnarskerðingar og áhrif hennar á líf einstaklinga með skerta heyrn. Niðurstöðurnar byggja á eigindlegri rannsókn sem unnin var frá hausti 2008 til vordægurs 2009. Tilgangur verkefnisins var að skoða hvaða áhrif heyrnarskerðing hefði á daglegt líf heyrnarskertra með íslensku að móðurmáli og styrkleika þeirra og veikleika. Þátttakendur rannsóknarinnar voru fjórar konur fæddar á árunum 1955-1987. Rannsóknin bendir til að heyrnarskerðing hefur áhrif á hvernig konunum farnaðist í daglegu lífi og félagslegt sjálf þeirra. Einnig benda niðurstöður til vanþekkingar í samfélaginu á eðli heyrnarskerðingar og hvaða áhrif hún á félagslega færni fólks með heyrnarskerðingu. Konurnar höfðu jafnframt fordóma gagnvart fötlun sinni og vantrú á eigin getu en virtust þó hafa sterka sjálfsbjargarviðleitni sem þær nýttu þegar heyrnin sveik. Rannsóknin sýnir fram á að heyrnarskerðing hefur áhrif á líf heyrnarskertra á margvíslegan hátt, félagslega og andlega, og er það sem leitast var við í upphafi rannsóknar.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
EYA_BA_ritgerd-felagsradgjof-01052011.pdf | 911.31 kB | Opinn | Heildartexti | Skoða/Opna |