ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Heilbrigðisvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8115

Titlar
  • Áhrif úsnínsýru og prótólichesterínsýru á frumustarfsemi krabbameinsfrumna

  • en

    Cellular mechanisms of the effects of usnic acid and protolichesterinic acid on human cancer cells

Útgáfa
Janúar 2010
Útdrættir
  • Fléttur eru sambýli sveppa og þörunga og/eða cýanóbaktería og hafa sumar fléttutegundir verið notaðar í alþýðulækningum frá alda öðli. Fléttur mynda áhugaverð annars stigs efnasambönd sem hafa lítið verið rannsökuð m.t.t. lífvirkni þrátt fyrir áhugaverða eiginleika og fjölbreytileika. Tvö þessara fléttuefna, úsnínsýra og prótólichesterínsýra, reynast hafa áhugaverða verkun, einkum á krabbameinsfrumur. Fyrri rannsóknir hafa greint frá hemjandi áhrifum úsnínsýru á DNA nýmyndun, hamningu frumuhrings í S-fasa auk þess sem úsnínsýra hindrar vöxt krabbameinsfrumna. Prótólichesterínsýra hemur einnig DNA nýmyndun og er hindri á ensímin 5- og 12-lípoxýgenasa sem taldir eru eiga þátt í æxlisþróun.
    Markmið rannsóknarinnar var að kanna áhrif úsnínsýru og prótólichesterínsýru á frumustarfsemi krabbameina með áherslu á himnuspennu hvatbera, stýrðan frumudauða, frymisnetsálag og fitusýrusynthasa (FAS). Áhrifin voru athuguð á mergæxlis-, bris-, og brjóstakrabbameinsfrumulínum.
    Úsnínsýra olli falli á himnuspennu hvatbera styrkháð í bris- og brjóstakrabbameinsfrumum og síðbúinni cytochrome c losun úr hvatberum hjá briskrabbameinsfrumulínunni. Prótólichesterínsýra olli ekki losun á cytochrome c í bris- eða brjóstakrabbameinsfrumunum og ekki varð merkjanleg virkjun á caspasa-3, eftir meðhöndlun frumnanna með úsnínsýru eða prótólichesterínsýru.
    Prótólichesterínsýra hefur líka byggingu og þekktur hindri á ensímið fitusýrusynthasa sem er oftjáð í sumum krabbameinum. Niðurstöður benda til þess að prótólichesterínsýra hemji upptöku 14C-asetats í frumur sem hugsanlega má rekja til hamningar á fitusýrusynthasa. Í framhaldi voru áhrif prótólichesterínsýru á frymisnetsálag athuguð þar sem aðrar rannsóknir benda til að frymisnetsálag verði í kjölfar hindrunar á fitusýrusynthasa. Niðurstöður gefa til kynna að prótólichesterínsýra valdi frymisnetsálagi í mergæxlisfrumum.
    Í æxlisþróun verður röskun á efnaskiptum og gegna hvatberar, frymisnet og fitusýrusynthasi þar veigamiklu hlutverki. Leit að nýjum lyfjaefnum og aukin þekking á frumuferlum eru mikilvægir þættir í þróun nýrra krabbameinslyfja og gefa niðurstöður þessa verkefnis tilefni til frekari rannsókna og e.t.v. gætu fléttuefnin úsnínsýra og prótólichesterínsýra reynst áhugaverðir lyfjasprotar í framtíðinni.

  • en

    Lichens are symbiotic organisms composed of fungi and algae and/or cyanobacteria, and a few species have been used in traditional medicine throughout the ages. This partnership gives rise to a large number of secondary metabolites which are unique in nature. The bioactivity of these secondary metabolites has only been explored to a limited extend despite their diversity and properties. The lichen compounds, usnic acid and protolichesterinic acid, have shown interesting activities, especially on cancer cells. Previous studies show that usnic acid has inhibitory effects on DNA synthesis, inhibits entry into S-phase and causes reduction in cell growth. Protolichesterinic acid has also been shown to inhibit DNA synthesis and is a potent inhibitor of 5- and 12- lipoxygenase which are considered to play a role in cancer evolvement.
    The aim of the study was to investigate the effects of usnic acid and protolichesterinic acid on cellular mechanisms of cancer cells, i.e. on mitochondrial membrane potential and integrity, apoptosis, endoplasmic reticulum (ER) stress and fatty-acid-synthase. The effects were examined on myeloma-, pancreatic- and breast cancer cell lines.
    Usnic acid caused dose-dependent loss of mitochondrial membrane potential in pancreatic- and breast cancer cell lines and late release of cytochrome c in the pancreatic cell line. No release of cytochrome c was detected following incubation with protolichesterinic acid, and no activation of caspase-3 could be detected after incubation with usnic acid or protolichesterinic acid.
    The enzyme fatty-acid-synthase is over-expressed in some cancers and a known inhibitor of the enzyme has a similar structure to protolichesterinic acid. An indication of decreased 14C-acetate uptake was observed in cells incubated with protolichesterinic acid and that might theoretically be explained by fatty-acid-synthase inhibition. The effects of protolichesterinic acid on ER-stress were tested as previous studies have shown a correlation between fatty-acid-synthase inhibition and ER-stress. Our results indicate an induction of ER-stress in myeloma cells treated with protolichesterinic acid.
    Alterations in cell metabolisms, including mitochondrial-, ER- and fatty-acid-synthase function are considered to be important in the development and progression of cancer.
    A search for new drugs and an increased knowledge of intracellular pathways are of great importance in cancer research and the results of this project are encouraging for further studies on usnic acid and protolichesterinic acid which might in future lead to further development of these compounds as drug candidates.

Birting
2.5.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
MSc_ritgerd_11des0... .pdf3,41MBLokaður Heildartexti PDF