is Íslenska en English

Lokaverkefni (Bakkalár)

Háskóli Íslands > Félagsvísindasvið > B.A./B.Ed./B.S. verkefni - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8188

Titill: 
  • Viðskiptaráðgjöf. Peocon og The 7 C´s
Námsstig: 
  • Bakkalár
Útdráttur: 
  • Viðskiptaráðgjöf (e. management consulting) er mjög ung starfsgrein þar sem hún var enn á frumstigi í kringum 1980 með einungis 1800 ráðgjafa skráða. Viðskiptaráðgjöf snýst einna helst um að viðskiptaráðgjafar, þá helst utanaðkomandi (e. external consultants) komi inn í fyrirtæki til að veita nýja innsýn, þekkingu og auka ávinning.
    Mörg fyrirtæki þurfa á ráðgjöf að halda á einhverjum tímapunkti starfseminnar. Ástæður fyrir því geta verið mismunandi. Fyrirtækið Peocon sem rannsakað var býður uppá talningalausnir fyrir smásöluverslanir þar sem áhersla er lögð á að telja viðskiptavini inn og út úr verslunum. Fyrirtækið er enn á byrjunarreit hvað varðar ráðgjöf en markmið Peocon er að geta veitt topp viðskiptaráðgjöf til smásölufyrirtækja.
    Með þessari rannsókn leitar rannsakandinn að svörum við því hvort fyrirtækið Peocon notfæri sér þau verkfæri sem markaðsfræðin býður uppá við ráðgjöf sem leiðir til ánægðari viðskiptavina. Markmið rannsóknarinnar var að athuga hvort Peocon fylgdi því ráðgjafaferli sem kynnt er í bókinni The Seven C´s of Consulting en þar er fjallað um 7 þrepa ferli ráðgjafar. Einnig var markmið rannsóknarinnar að mæla ánægju viðskiptavina Peocon með fyrirtækið.
    Gerð var eigindleg rannsókn þar sem notast var við hálf opið viðtal til að kynnast stefnu fyrirtækisins. Einnig var sendur út spurningalisti á viðskiptavini Peocon til að rannsaka ánægju þeirra til fyrirtækisins með megindlegri rannsóknaraðferð.
    Helstu niðurstöður voru þær að fyrirtækið á enn langt í land með að ná því markmiði sem það hefur sett sér sem viðskiptaráðgjfafyrirtæki. Lítil þekking er hjá viðskiptavinum fyrirtækisins á starfsemi Peocon en það getur leitt til sóknarfæra hjá fyrirtækinu.

Samþykkt: 
  • 3.5.2011
URI: 
  • http://hdl.handle.net/1946/8188


Skrár
Skráarnafn Stærð AðgangurLýsingSkráartegund 
Lok Vidskiptaradgjof.pdf1.44 MBOpinnHeildartextiPDFSkoða/Opna