is Íslenska en English

Lokaverkefni (Meistara)

Háskóli Íslands > Félagsvísindasvið > Meistaraprófsritgerðir - Félagsvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8252

Titill: 
  • Verndarúrræði vegna hönnunar. Skörun og samverkan hönnunarverndar við önnur hugverkaréttindi
Námsstig: 
  • Meistara
Leiðbeinandi: 
Útdráttur: 
  • Hönnunarvernd hefur ekki skýrt afmarkaða eða skilgreinda stöðu í heimi hugverkaréttarins þar sem hún getur í ýmsum tilvikum skarast við höfundarétt, einkaleyfarétt, vörumerkjarétt og reglur um vernd gegn óréttmætum viðskiptaháttum. Af þessu leiðir að það getur verið vandkvæðum bundið að finna hugtakinu hönnun stað með skýrt afmörkuðum hætti innan hugverkaréttarins. Alþjóðlegir samningar á þessu sviði hafa ekki að geyma skilgreiningar á eðli hönnunar og því er þar með haldið opnu að hönnun geti bæði fallið undir höfundarétt og eignarréttindi á sviði iðnaðar, s.s. einkaleyfi og vörumerki.
    Í ritgerðinni er fjallað um hugtakið hönnunarvernd og þá aðallega samanburð þessa hugverkaverndarúrræðis við önnur verndarúrræði sem til álita koma vegna hönnunar, með sérstakri áherslu á samanburð hönnunarverndar við höfundarrétt. Hönnun hefur sérstöðu að því leyti að margir möguleikar geta komið til álita þegar metið er hvernig best verði staðið að vernd samkvæmt hugverkarétti.
    Nokkur munur er á því eftir löndum hvernig verndarfyrirkomulagi hönnunar er háttað með tilliti til þess hvaða verndarúrræði hönnuðir geta nýtt sér. Sums staðar geta öll verndarúrræði verkað saman, en annars staðar er slík vernd takmörkuð á þann hátt að það er erfiðleikum háð að njóta verndar fleiri en eins úrræðis.
    Áhersla er lögð á hin margvíslegu verndarúrræði hönnunar og samræmingu löggjafar í þessu sambandi, bæði á alþjóðlegum vettvangi og í landslögum ýmissa ríkja heimsins. Skörun eða samverkan og samhliða notkun þessara verndarúrræða er ennfremur eitt af meginviðfangsefnum þessarar ritgerðar. Í þessu samhengi eru teknir til athugunar alþjóðlegir sáttmálar á þessu sviði og viðeigandi löggjöf mismunandi ríkja borin saman, þá helst löggjöf Evrópusambandsins er varðar hönnun, landslög nokkurra ríkja í Evrópu og löggjöf í Bandaríkjunum og Asíu. Ennfremur er fjallað um stöðu hönnunarverndar á Íslandi í þessu ljósi.
    Þá er ennfremur tekið til athugunar hvort þörf sé á frekari alþjóðlegri samræmingu sui generis löggjafar um hönnunarvernd m.a. vegna stöðu hönnunar sem samhliða verndarúrræði með höfundarrétti.

Samþykkt: 
  • 4.5.2011
URI: 
  • http://hdl.handle.net/1946/8252


Skrár
Skráarnafn Stærð AðgangurLýsingSkráartegund 
Anna Tómasdóttir - Verndarúrræði vegna hönnunar.pdf989.21 kBLokaðurHeildartextiPDF