ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Heilbrigðisvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8288

Titlar
  • Þróun á LC-MS/MS aðferð fyrir magngreiningu á 25-hýdroxý-D-vítamíni - með hönnun tilrauna

  • en

    Development of a LC-MS/MS method for quantification of 25 hydroxy vitamin D

Útgáfa
Júní 2011
Útdráttur

D-vítamín hefur gert víðreist á undanförnum árum hvað varðar umræðu innan heilbrigðisgeirans og áhuga fræðimanna. Það er fituleysanlegt steralíkt efni sem á virku formi hefur boðefnaáhrif í mönnum og telst því líka til hormóna. Hlutverk þess í kalkbúskap líkamans hefur lengi verið þekkt og veldur alvarlegur skortur þess beinkröm hjá börnum, þar sem bein svigna, en beinmeiru hjá fullorðnum auk þess sem beinþynning er þekkt hjá eldra fólki.
Til viðbótar við verkun á kalkbúskap hefur ýmsum öðrum áhrifum D-vítamíns sem ekki tengjast kalki verið lýst. Má segja að tilvist viðtaka þess í öllum vefjum líkamans sé nú almennt viðurkennd, en vöntun á D-vítamíni virðist auka líkur á ýmsum neikvæðum heilsufarsþáttum, svo sem krabbameini, hjartasjúkdómum og sjálfsofnæmissjúkdómum.
Gríðarleg aukning hefur verið á eftirspurn eftir D-vítamín-mælingum hér á landi undanfarin misseri og hefur fjöldi mælinga jafnvel tvöfaldast milli ára. Eina raunhæfa leiðin til að meta D-vítamín-búskap líkamans er að mæla 25-OH-D-vítamín í sermi. Gerð þess getur verið tvennskonar, 25-OH-D2- og 25-OH-D3-vítamín.
Markmið þessa rannsóknarverkefnis var að þróa magngreiningaraðferð til mælinga á 25-OH-D-vítamíni í sermi á HPLC-MS/MS. Notuð var aðferðafræðin hönnun tilrauna við skipulag og úrvinnslu. D-optimal hönnun var notuð til skimunar breyta en CCD-hönnun til hámörkunar aðferðarinnar. Í lokin var gerð staðalkúrfa með gildingu og til stendur að mæla sýni frá Landspílata háskólasjúkrahúsi til samanburðar við núverandi aðferð, DiaSorin RIA.
Skimun sagði til um áhrif breyta á næmni fyrir vítamíninu og voru áhrifamestu breyturnar valdar úr til frekari greiningar í hámörkun. Þær voru flæði ferðafasa, upphafsmagn lífræns leysis, árekstrarorka og spenna keilu. Einnig var gerða athugun á sýnameðhöndlunum og sú hentugasta þeirra valin til sýnameðhöndlunar í hámörkun.
Hámörkun gaf endanleg gildi á stillingar tækja og aðstæða.
Gilding féll og ekki fékkst næmnin sem stefnt var á, en hægt var að setja upp staðalkúrfu fyrir styrk hvors efnis fyrir sig frá 10 ng/mL - 500 ng/mL.

Birting
5.5.2011


Skrár
NafnRaðanlegtStærðRaðanlegtAðgangurRaðanlegtLýsingHækkandiSkráartegund
RitgerdMSv2011Hann... .pdf1,91MBOpinn Heildartexti PDF Skoða/Opna