is Íslenska en English

Lokaverkefni (Bakkalár)

Háskóli Íslands > Hugvísindasvið > B.A. verkefni - Hugvísindasvið >

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8318

Titill: 
  • Sannleikurinn um Hrunið. Þeir skynja bergmál sálar sinnar í náttúrunni
Námsstig: 
  • Bakkalár
Útdráttur: 
  • Eftir bankahrunið 2008 velti fólk fyrir sér hvernig væri hægt að vinna sig út úr stöðunni og hvað það hefði verið sem raunverulega gerðist. Þessi ritgerð á upphafspunkt sinn í Rannsóknarskýrslu Alþingis um orsakir og afleiðingar Hrunsins en ég spyr hvort það sé nóg að komin sé út skýrsla um „sannleikann“ og sökudólgarnir fundnir? Erum við þá búin að afgreiða Hrunið og vinna úr afleiðingum þess?
    Í þessari ritgerð reyni ég að leita svara við þessum spurningum og hef leikinn með því að skoða stemminguna sem var innan bankanna fyrir Hrun, kynni kenningar um hóphegðun sem Hulda Þórisdóttir reifar í Rannsóknarskýrslunni þar sem hegðun bankastarfsfólks, stjórnmálamanna er útskýrð og velti því upp hvort að það sé hægt að velta þeim yfir á samfélagið í heild sinni. Með það í huga kynni ég til sögunnar kenningu Baudrillard um ofurraunveruleika sem fjallar um ímyndunarveiki og birtingarmyndir raunveruleikans og skoða hugmyndir Baudrillard um eðli kapítalismans, vald og samfélagsleg viðmið. Þá tekur Deleuze við með kenningar sínar um stýringarsamfélag nútímans og eðli kapítalismans. Því næst tek ég fyrir nokkrar greinar eftir Foucault þar sem hann fjallar um samhengi hlutanna meðal annars út frá því hvað sé bannað í samfélaginu með tilliti til eðli valdsins, samtímans og upplýsingarinnar og sýn hans á sifjafræði Nietzsche. Eftir það fer ég yfir nokkur atriði úr kenningum Hönnuh Arendt þar sem hún fjallar um tengsl heimspeki og stjórnmála, einveru, sannleika, ímyndir og þátttöku almennings í stjórnmálum og samtíð sinni. Þá kynni ég almenn atriði úr heimspekikenningum Spinoza um sjálfsþekkingu, alnáttúruna og takmarkaleysi eilífðinnar í ljósi sjálfsins. Að lokum er yfirlit yfir grein Deleuze um Siðfræði Spinoza þar sem hann gagnrýnir siðferðilegar hefðir í ljósi blekkinga vitundarinnar og tvíhyggjunnar. Deleuze kynnir til sögunnar kenningu Spinoza um líkamann og hugsunina og útskýrir hvers vegna virkni og gleði eru mikilvæg í heimspeki lífsins.
    Þannig reyni ég að sýna fram á að orsök Hrunsins eigi rætur að rekja djúpt í eðli þeirrar samfélagsgerðar sem við búum í og það sé ekki nægilegt að færa til viðmið og betrumbæta kerfið heldur þurfi að kafa í mennskuna og skoða hið sammannlega.

Samþykkt: 
  • 9.5.2011
URI: 
  • http://hdl.handle.net/1946/8318


Skrár
Skráarnafn Stærð AðgangurLýsingSkráartegund 
BA ritgerð Dögg.pdf354.21 kBOpinnHeildartextiPDFSkoða/Opna