ÍslenskaenEnglish

Aðilar að Skemmunni

Leit eftir:


LokaverkefniHáskólinn á Akureyri>Viðskipta- og raunvísindasvið>B.S. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/833

Titill

Áhrif brotthvarfs Varnarliðsins á virði Hitaveitu Suðurnesja hf.

Leiðbeinandi
Útdráttur

Hitaveita Suðurnesja var stofnuð árið 1974, af sveitarfélögunum á
Suðurnesjum og íslenska ríkinu, með það markmið að nýta jarðhita til
heitavatnsframleiðslu sem gæti nýst íbúum á Suðurnesjum til
upphitunar húsa sinna. Hitaveitan hefur í gegnum tíðina þróast í að
verða alhliða veitufyrirtæki sem nú sér notendum sínum fyrir heitu
vatni, köldu neysluvatni og raforku.
Varnarlið bandaríska hersins á Miðnesheiði var mikilvægur
viðskiptavinur Hitaveitunnar frá árinu 1980, þar til að það hvarf af
landi brott þann 1. október 2006. Tekjur vegna viðskipta Varnarliðsins
við Hitaveituna náðu því á árunum 1986-1998 að vera um það bil
helmingur allra tekna Hitaveitunnar en á síðustu árum hefur dregið úr
hlutfallslegu vægi viðskiptanna og námu þau um 17% af tekjum árið
2006. Orkumarkaðurinn er ekki hefðbundinn samkeppnismarkaður og
skiptir sú staðreynd máli þegar rýnt er í hvað geti komið í stað
Varnarliðsviðskipta.
Við skoðun var ákveðið að meta virði Hitaveitunnar bæði fyrir og eftir
brottför Varnarliðsins með sjóðstreymisaðferð, þar sem brottförin hafði
talsverð bein áhrif á frjálst fjárflæði og hagnað fyrirtækisins.
Byggt var á rekstraráætlunum sem gerðar voru af stjórnendum
Hitaveitunnar fyrir árin 2006-2013. Ávöxtunarkrafa eigin fjár var
ákvörðuð 8,47 % og meðalvextir vaxtaberandi skulda 5,0 % í samræmi
við fyrirliggjandi upplýsingar. Matið er verulega næmt fyrir þessum
breytum og miklu skiptir fyrir mat á heildarvirðinu, hverjar þær eru.
Virði Hitaveitunnar, ef áframhald hefði orðið á viðskiptunum við
Varnarliðið reiknast 28,2 milljarðar króna, en við brottfall þeirra
viðskipta reiknaðist virðið 20,4 milljarðar króna. Miðsmunur á
virðinu er því 7,8 milljarðar króna. Hér er um verulegan mun að ræða
og má því draga þá ályktun að brotthvarf Varnarliðsins hafi haft
veruleg áhrif á virði fyrirtækisins.
Fyrirtækið hefur þó brugðist við brottfalli viðskiptanna og styrkt
starfsgrundvöll sinn frá því sem áður var, með útrás til nýrra
markaðssvæða og aukinni raforkuframleiðslu og sölu til stóriðju.
Jafnframt verður að telja líklegt að á næstunni aukist umsvif að nýju á
gamla varnarsvæðinu og hafi það í för með sér aukin tækifæri til
orkusölu innan þess svæðis í framtíðinni.
Lykilorð:
Virði - Verðmat - Framtíðarsýn – Orkumarkaður - Varnarliðið

Athugasemdir

Verkefnið er opið nemendum og starfsfólki Háskólans á Akureyri

Birting
1.1.2007


Skrár
NafnRaðanlegtStærðHækkandiAðgangurRaðanlegtLýsingRaðanlegtSkráartegund
Efnisyfirlit.pdf42,0KBOpinn Áhrif bott - efnisyfirlit PDF Skoða/Opna
Útdráttur.pdf77,1KBOpinn Áhrif brott - útdráttur PDF Skoða/Opna
Heimildaskrá.pdf104KBOpinn Áhrif brott - heimildaskrá PDF Skoða/Opna
Áhrif brotthvarf V... .pdf563KBTakmarkaður Áhrif brott - heild PDF