Smá Saga

Abstract

Smá Saga er sneið úr lífi Sögu. Ungri stúlku sem fetar sig áfram inn í líf hinna fullorðnu með allan sinn pakka í farteskinu sem gefur henni takmarkaða von um að lifa ábyrgðarfullu lífi. Saga fagnar nýju ári með Ágústu vinkonu sinni á skemmtistað sem kunningi þeirra benti þeim á. Skemmtistað sem býður upp á áfengi eins og í gamla daga. Í samfélagi, þar sem verið er að banna áfengisnotkun, finnur Saga fyrir ókostum drykkju og ráfar um í aðgerðaleysi af ótta við óþægilegan sannleika sem áfengið hefur þurrkað í burtu. Saga vaknar næsta dag í ókunnugu húsi með líkamlega og andlega áverka frá nóttinni áður en getur með engu móti munað hvernig hún lenti þar og hvað gerðist. Sinnuleysið, hennar helsti örlagavaldur, fleytir henni í gegnum söguna og flakkar hún á milli hugleysis og forvitni þar sem hún reynir að ná tökum á eigin lífi.