Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/835
Beinar erlendar fjárfestingar á nýmörkuðum hafa aukist gríðarlega allt frá
árinu 1990. Ástæðuna má rekja til mikilsverðra breytinga á viðskipta- og
pólitísku umhverfi þessara landa. Fyrirtæki sem sækja á þessa markaði
gera það af tveimur ástæðum, annars vegar er sóst eftir þáttum í
framleiðslunni til að auka hagkvæmni hennar og hins vegar er verið að
sækja inn á nýja markaði og er þá horft til stærðar markaðar og mögulegs
vaxtar. Fjárfestingum á nýmörkuðum fylgir áhrifamikill áhættuþáttur,
nefndur landsáhætta. Hún samanstendur af nokkrum þáttum sem eru:
uppbygging hagkerfis, lega lands, gjaldmiðill, pólitísk stefna og
uppbygging á félags- og stjórnkerfi.
Ísland hefur verið aðili að Alþjóðalánastofnuninni allt frá því henni var
fyrst komið á fót árið 1956, en hlutverk hennar er að stuðla að efnahagsog
félagslegri framþróun í þróunarlöndum. Til að ná markmiðum sínum á
stofnunin að örva fjárfestingar einkaaðila með lánveitingum og ráðgjöf.
Íslenskir aðilar hafa í auknu mæli verið að fjárfesta í löndum sem teljast til
nýmarkaða en þær námu um 6.380 milljónum kr. árið 2005 en voru til
samanburðar 484 milljónir árið 1998. Þrátt fyrir þessa aukningu hafa
íslenskir aðilar hingað til ekki séð sér hag í samstarfi við stofnunina en
með aukinni sókn á nýmarkaði ætti að skapast grundvöllur fyrir frekara
samstarfi.
Ástæður þess að íslenskir aðilar hafa ekki verið í samstarfi við stofnunina
má rekja til þriggja þátta: fjárfestingar íslenskra aðila hafa ekki verið
miklar í löndum nýmarkaða þar til hin síðari ár, þekking íslenskra aðila á
stofnuninni er takmörkuð og fyrirtæki þurfa að hafa ákveðið fjárhagslegt
bolmagn til að fara í samstarf.
Alþjóðalánastofnuin hentar íslenskum fjárfestum á nýmörkuðum en
misjafnt er hvaða þjónusta hentar hverju sinni. Auka þarf þekkingu á
stofnuninni meðal fjárfesta eigi að auka eftirspurn eftir samstarfi og leggur
skýrsluhöfundur til að kynning stofnunarinnar verði stóraukin.
Lykilorð: Alþjóðalánastofnunin, íslenskir fjárfestar, nýmarkaðir,
fjármögnun, pólitísk áhætta.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
efnisyfirlit.pdf | 47.59 kB | Opinn | Hentar - efnisyfirlit | Skoða/Opna | |
heimildaskra.pdf | 92.79 kB | Opinn | Hentar - heimildaskrá | Skoða/Opna | |
Lokaritgerd.pdf | 646.02 kB | Takmarkaður | Hentar - heild | ||
utdrattur.pdf | 50.33 kB | Opinn | Hentar - útdráttur | Skoða/Opna |