Guð Faðir og Móðir Jörð. Tengsl vistfræðilegs femínisma við guðfræði í verkum Rosemary Radford Ruether

Abstract

Í þessari ritgerð fjalla ég um helstu verk og kenningar guðfræðingsins Rosemary Radford Ruether sem er einn þekktasti feminíski guðfræðingur samtímans. Frá upphafi ferils hennar sem fræðikonu hefur hún barist gegn félagslegu óréttlæti í samfélaginu og einblínt sérstaklega á starfshætti rómversk-kaþólsku kirkjunnar. Hún hefur ætíð talað fyrir fullu jafnrétti kvenna til jafns við karlmenn innan sem utan kirkjunnar og beitt sér sérstaklega fyrir rétti kvenna til prestsvígslu. Í ritgerðinni minni leitast ég við að svara spurningunni hvort vistfræðilegur femínismi eigi samleið með kristinni trúfræði nútímans? Einnig skoða ég hvort drottnandi yfirráð feðraveldisins innan kristinnar kirkju, sem Ruether gagnrýnir svo harkalega, séu víkjandi afl og hvað komi þá í staðinn. Að lokum styðst ég við framtíðarsýn Ruethers á auknu samstarfi milli trúarbragða heimsins til að spá fyrir um möguleikann á breyttu viðhorfi mannkyns til náttúrunnar.l