ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Hugvísindasvið>B.A. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8438

Titill

„Menn urðu varir við svona hitt og þetta.“ Frásagnir fjölskyldu frá Úlfljótsvatni

Útgáfa
Júní 2011
Útdráttur

Þessi ritgerð er lögð fram til B.A.-prófs í íslensku á Hugvísindasviði Háskóla Íslands. Aðalviðfangsefni hennar eru þjóðsögur og sagnir einnar fjölskyldu frá Úlfljótsvatni sem teknar voru upp á segulband á 7. og 8. áratug síðustu aldar og eru varðveittar á Stofnun Árna Magnússonar. Uppskriftir frá viðtölunum fylgja með í viðauka sem hægt er að fletta upp í til að fá sögu í heild sinni og sjá samhengi út frá henni. Ritgerðinni er skipt í fimm meginhluta en fyrst er farið yfir hvað felst í orðunum þjóðsaga og sögn, þá er sagt frá hver saga þjóðsagnasöfnunar er, bæði erlendis og hér heima. Sagt er frá hinum merka Jóni Árnasyni og ötullegri söfnun hans á 19. öld en þaðan tekur kafli við um Hallfreð Örn Eiríksson en hann tók viðtölin sem hér er um að ræða. Þrír síðustu meginkaflar ritgerðarinnar taka til sagnanna sjálfra, heimilda og heimildamanna, innihalds sagnanna og loks viðhorfi til þeirra. Lagt er upp með þá spurningu hvert viðhorf heimildamannanna sé gagnvart hinu óútskýranlega og yfirnáttúrulega en ákveðin mótsögn kemur fram í viðtölunum við þá, þar sem þeir segja að ekki hafi beinlínis verið draugatrú á Úlfljótsvatni heldur hafi margir orðið „varir við eitthvað“ en það orðalag dregur heldur úr þeim sögum sem þeir segja, þar sem fram kemur að fólk hafi séð framliðna með berum augum. Í kaflanum Viðhorf er fjallað um hvernig augum þeir virðast líta þessar upplifanir en trú þeirra á hið yfirnáttúrlega virðist hafa verið mjög lifandi þrátt fyrir að þeir forðist yfirleitt að segja hreint út að þeir hafi trúað á drauga og huldufólk.

Birting
10.5.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
ElvaBraJensd.pdf1,27MBOpinn Heildartexti PDF Skoða/Opna