ÍslenskaenEnglish

Aðilar að Skemmunni

Leit eftir:


LokaverkefniListaháskóli Íslands>Tónlistardeild>Lokaritgerðir (BA, B.Mus.)>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8443

Titill

Hugleiðsla sem úrræði gegn streituröskun tónlistarflytjenda

Útgáfa
Febrúar 2011
Útdráttur

Sviðshræðsla er ein gerð streituröskunar sem tónlistarflytjendur þurfa oft að glíma
við. Hún gerir vart við sig þegar þeir eru undir miklu álagi við tónflutning, hvort sem
álagið er raunverulegt eða búið til af flytjendum. Í slíkum tilvikum helst skynjað álag
oft ekki í hendur við raunverulegt álag. Neikvæðar hugsanir geta þá sprottið upp út frá
fyrri reynslum flytjandans, hann ímyndar sér e.t.v. að aðrir séu að dæma sig, að hann
muni klúðra tæknilegu atriði, ekki ná erfiðri nótu o.s.frv., og með þessu setur hann af
stað varnarkerfi líkamans sem veldur t.d. skjálfta, svita eða örum hjartslætti. Þegar á
þann stað er komið er flytjandinn algerlega færður frá tónflutningnum og lifir engan
veginn í líðandi stund með tónlistinni. Vöntun er á úrræðum við þessu vandamáli og
lítið er talað um það þegar verið er að mennta tónlistarfólk. Annaðhvort nær það að
halda vandamálinu í skefjum sjálft með misgóðum árangri, eða heltist úr lestinni
sökum taugaveiklunar.
Hugleiðsla er ævaforn iðja og tel ég hana afar hentuga sem varanlega lausn á því
vandamáli sem sviðshræðsla er. Gríðarlegur ávinningur fæst af iðkun hugleiðslu, en
sá ávinningur sem á mest erindi við tónlistarflytjendur er bætt líkamleg og andleg
vitund og bætt meðvitund um líðandi stund. Því meðvitaðri sem flytjandi er um
hugsanir sínar og tilfinningar, þeim mun auðveldar á hann með að bregðast rétt við
þeim. Þetta gerir honum kleift að halda sér inni í líðandi stund á meðan
tónlistarflutningi stendur, meðvitaður um tónlistina og inni í henni, en ekki þjakaður
af sjálftali og neikvæðum hugsunum.

Birting
10.5.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Lokaritgerd.pdf140KBLokaður Heildartexti PDF