Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/844
Tilgangurinn með þessari rannsókn var að kanna hvaða hæfileika maður þarf að hafa til þess að vera góður skólastjóri. Það var reynt að nálgast svar við því út frá sjónarmiðum kennara, foreldra og nemenda. Innblástur þessarar ritgerðar byggist á rannsókn sem var framkvæmd árið 1998 af skoskum prófessor að nafni John MacBeath.
Tekin voru viðtöl við tvo skólastjóra, fjóra kennara, tvo foreldra og tvo nemendur. Viðmælendur voru valdir með hentugleikaúrtaki. Niðurstöður voru byggðar á úrvinnslu viðtalanna og bornar saman við alþjóðlega staðla og rannsóknir á skilvirkum skólastjórum. Helstu niðurstöður voru þær að þessir hópar meta eftirfarandi þætti sem mjög mikilvæga í fari skólastjóra: að hafa og viðhalda framtíðarsýn, að vera sýnilegur og að vera góður í samskiptum. Þá nefndu foreldrar það sérstaklega að samskipti á milli skólastjóra og foreldra þyrftu að vera byggð á trausti og gagnkvæmri virðingu.
Skráarnafn | Stærð | Aðgangur | Lýsing | Skráartegund | |
---|---|---|---|---|---|
Strangur en ekki of strangur.pdf | 294.57 kB | Opinn | Heildartexti | Skoða/Opna |