ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Hugvísindasvið>B.A. verkefni>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8453

Titill

Skuggar mannsins. Af hundum í höfundarverki Gyrðis Elíassonar

Útgáfa
Maí 2011
Útdráttur

Í ritgerðinni er fjallað um dágóðan hóp af þeim fjölmörgu hundum sem koma fyrir í verkum Gyrðis Elíassonar. Í fyrsta hluta er rakinn uppruni ferfætlinga af hundaætt (Canis familiaris) í bókum Gyrðis og þar við tekur almenn umfjöllum um hunda í höfundarverkinu. Samhliða þessari yfirferð eru einstakir hundar bornir saman við ættbræður sína úr öðrum bókum Gyrðis með áherslu á að greina textatengsl milli verka. Fjallað er um hunda sem hluta af náttúrusýn höfundarins en persónur Gyrðis eru ósjaldan í miklum tengslum við dýr og náttúru. Einnig er fjallað um hunda sem myndmál hjá Gyrði, sérstaklega sem myndmál þunglyndis og ótta. Í öðrum kafla eru nokkrar af kenningum sálgreinandans Sigmunds Freud reifaðar og þær settar í samhengi við skáldskap Gyrðis. Sérstaklega er fjallað um gagnrýni Freuds á siðmenninguna, þrískiptingu sjálfsins, kenningar hans um drauma og um mikilvægi bernskunnar. Í þriðja og síðasta hluta ritgerðarinnar er fjallað um hunda í verkum Gyrðis út frá kenningum Freuds. Þar er fjallað um hvernig dýrslegt eðli býr í manninum undir niðri, eins og kemur fram í einni af sögum Gyrðis þar sem maður breytist í hund. Einnig er vikið að því hvernig greina má „svarta hunda“ í verkum Gyrðis, (sem eru myndmál þunglyndis), sem tákn um bælingu og hvernig hinir þunglyndu vilja hvorki halda né sleppa þessum förunautum sínum. Þá eru stórir og grimmir hundar settir í samhengi við yfirsjálfið í kenningum Freuds en yfirsjálfið beitir sjálfið ströngum aga og ræðst jafnvel gegn því. Í lokaorðunum er efnið dregið saman og ályktað um hlutverk hunda í höfundarverki Gyrðis Elíassonar. Þar kemur meðal annars fram að hundar Gyrðis eru skuggar mannsins í margvíslegum skilningi.

Birting
10.5.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Ketill BA.pdf823KBLokaður Heildartexti PDF