ÍslenskaenEnglish

Aðilar að Skemmunni

Leit eftir:


LokaverkefniHáskóli Íslands>Hugvísindasvið>Meistaraprófsritgerðir>

Vinsamlegast notið þetta auðkenni þegar þið vitnið til verksins eða tengið í það: http://hdl.handle.net/1946/8458

Titill

Notkun málfræðilegra kynja í máli ungs fólks. Rannsókn á kynjanotkun í íslensku máli

Útgáfa
Maí 2011
Útdráttur

Þessi meistararitgerð í íslensku fjallar um kynjanotkun í íslensku máli. Málfræðilegt kyn virðist vera að breytast og má það meðal annars sjá í setningum þar sem ósamræmi er milli kyns nafnorðs og fornafns eða lýsingarorðs, sbr. setninguna Krakkarnir (kk.) voru þreytt (hk.) og svöng (hk.). Oft tengist þessi breyting einnig setningum sem innihalda heiti sem tengjast öðru kyninu, sbr. setninguna Kennarinn er skemmtileg. Stundum er kyni einnig breytt í samsetningum þegar smíðuð eru ný orð með nafnorðunum kona og fólk í stað maður, sbr. lögfólk og forkona í stað lögmaður og formaður. Í þessari ritgerð er markmiðið að kanna nánar breytingar á kyni í íslensku máli. Könnun var því lögð fyrir 9. bekk grunnskólabarna og lítinn viðmiðunarhóp fullorðinna. Rannsóknarefnið var hvort fólk hefði fornöfn og nafnorð í karlkyni þegar vísað var til kvenna, eða beggja kynja og hvort samræmi kyns væri gætt innan setninga. Í könnuninni var markmiðið að ná fram eiginlegri máltilfinningu þátttakenda og þess vegna fékk annar helmingur litlar leiðbeiningar um úrlausn verkefnisins. Til að kanna áhrif ólíkra fyrirmæla fékk hinn helmingurinn verkefni með nákvæmum leiðbeiningum eins og um málfræðiverkefni í skóla væri að ræða.

Birting
10.5.2011


Skrár
NafnRaðanlegtStærðRaðanlegtAðgangurRaðanlegtLýsingRaðanlegtSkráartegund
Anna_Helgadottir.pdf1,36MBOpinn Heildartexti PDF Skoða/Opna